Kórneki foto: © AFP 2023 / Lakpa Sherpa
Búgin Túrkistan oblysy TJD qutqarýshylary 3 shildede joǵalǵan 1967 jylǵy er adamnyń denesin teńiz deńgeiinen shamamen 3800 metr biiktikten tapty. Týrist taýdyń basynan túsip kele jatqanda arqan úzilip, ol muz boiymen domalap, eńiske qulaǵan, dep habarlaidy "Ult aqparat" oblystyq TJD baspasóz qyzmetine silteme jasap.
"Qazir ony jaiaý túsirý jumysy júrgizilip jatyr. Taýda qalyńdyǵy 20 sm qar jamylǵysynyń jatýy, jer bederiniń taýly-tasty bolýy túsirý jumysyn qiyndatyp otyr.
Sondai-aq shatqaldardyń tik ornalasýy jáne kóptegen tabiǵi kedergi qutqarýshylardyń qimyl-qozǵalysyn qiyndatady.
Izdeý jumystaryna Túrkistan oblysy Jedel-qutqarý jasaǵynyń qutqarýshylary men Alpinizm federatsiiasynyń kásibi alpinisteri jumyldyryldy" - delingen habarlamada.
Vedomstvo málimetinshe, Sairam shyńy - batys Tian-Shan júiesine jatatyn Ógem jotasynyń eń biik núktesi. Onyń biiktigi - 4238 metr. Shyńyna jetý qaýipti, ony tek kásibi alpinister baǵyndyra alady.
