Tóle bi aýdanyndaǵy Aqsý ózenine batyp ketken úndistandyq eki azamatty 58 adam izdestirip jatyr, dep habarlaidy QazAqparat.
Qazirgi tańda TJD-dan 26 qutqarýshy, politsiiadan 17 qyzmetker, jergilikti atqarýshy organdardan 15 adam jumyldyrylǵan.
«Aqsý ózeniniń aǵysynyń qatty ekenin, sonymen qatar shatqaldyń tik bolýyn eskere otyryp Tótenshe jaǵdailar ministrliginiń «QazAvia» qutqarý mekemesinen tikushaq tartyldy», - dedi Túrkistan oblysy TJD bastyǵy Nurǵali Júnisov.
Aita keteiik, 26 maýsym kúni saǵat 20.10-da Túrkistan oblysy TJD kezekshi-dispetcherlik qyzmetiniń pýltine Tóle bi aýdanynyń Hanaryq aýylynan 5 shaqyrym jerde ornalasqan Aqsý shatqalyndaǵy Aqsý ózeninde 2001 jylǵy 2 stýdenttiń belgisiz jaǵdaida sýǵa túsip, batyp ketkeni týraly aqparat túsken bolatyn.
21 stýdentten quralǵan top Shymkent qalasynan kelgen. Barlyǵy - Ońtústik Qazaqstan meditsina akademiiasynda oqityn Úndistan azamattary.
