تٶلە بي اۋدانىنداعى اقسۋ ٶزەنٸنە باتىپ كەتكەن ٷندٸستاندىق ەكٸ ازاماتتى 58 ادام ٸزدەستٸرٸپ جاتىر, دەپ حابارلايدى قازاقپارات.
قازٸرگٸ تاڭدا تجد-دان 26 قۇتقارۋشى, پوليتسييادان 17 قىزمەتكەر, جەرگٸلٸكتٸ اتقارۋشى ورگانداردان 15 ادام جۇمىلدىرىلعان.
«اقسۋ ٶزەنٸنٸڭ اعىسىنىڭ قاتتى ەكەنٸن, سونىمەن قاتار شاتقالدىڭ تٸك بولۋىن ەسكەرە وتىرىپ تٶتەنشە جاعدايلار مينيسترلٸگٸنٸڭ «قازاۆيا» قۇتقارۋ مەكەمەسٸنەن تٸكۇشاق تارتىلدى», - دەدٸ تٷركٸستان وبلىسى تجد باستىعى نۇرعالي جٷنٸسوۆ.
ايتا كەتەيٸك, 26 ماۋسىم كٷنٸ ساعات 20.10-دا تٷركٸستان وبلىسى تجد كەزەكشٸ-ديسپەتچەرلٸك قىزمەتٸنٸڭ پۋلتٸنە تٶلە بي اۋدانىنىڭ حانارىق اۋىلىنان 5 شاقىرىم جەردە ورنالاسقان اقسۋ شاتقالىنداعى اقسۋ ٶزەنٸندە 2001 جىلعى 2 ستۋدەنتتٸڭ بەلگٸسٸز جاعدايدا سۋعا تٷسٸپ, باتىپ كەتكەنٸ تۋرالى اقپارات تٷسكەن بولاتىن.
21 ستۋدەنتتەن قۇرالعان توپ شىمكەنت قالاسىنان كەلگەن. بارلىعى - وڭتٷستٸك قازاقستان مەديتسينا اكادەميياسىندا وقيتىن ٷندٸستان ازاماتتارى.
