Senator Áli Bektaev elimizdiń Premer-Ministri atyna joldaǵan depýtattyq saýalynda Túrkistan oblysynda politseilerdiń jetispeitini týraly másele kóterdi, dep habarlaidy "Ult aqparat".
Senatordyń aitýynsha, jyl saiyn Túrkistan qalasyna 1 millionnan astam týrist keledi. Al oblys halqynyń sany 2 millionnan asady. Bul elimizdegi halyq eń tyǵyz qonystanǵan aimaq. Bul rette politsiia qyzmetkerleriniń jetispeýshiligi quqyq tártibin qamtamasyz etýge jáne esirtki tasymalyna qarsy kúreske teris áser etip otyr.
«Oblystaǵy politsiia qyzmetkerleriniń jalpy sany normativterden áldeqaida tómen, ár qyzmetkerdiń júktemesi 2-3 ese joǵary. 100 myń turǵynǵa shaqqandaǵy politsiia qyzmetkerleriniń sany respýblika boiynsha 386 bolsa, Túrkistan oblysynda – 185. A
Tipti halyq sany jaǵynan Túrkistan oblysynan eki ese az óńirlerde politsiia sany eki ese joǵary. Ondai faktiler bar. Biraq ishki ister organdarynyń negizgi qyzmeti adam quqyqtary men qaýipsizdigin qorǵaý bolǵandyqtan, olardaǵy qyzmetkerler sany da turǵyndar sanyna tikelei bailanysty bolýy tiis», - dep atap ótti Áli Bektaev.
Osyǵan bailanysty, senator óńirdegi qoǵamdyq qaýipsizdigin qamtamasyz etýdi kúsheitý úshin Túrkistan oblysynyń politsiia qyzmetkerleriniń sanyn kóbeitýdi suraidy.
