Túrkistan oblysy, Saýran aýdanynda qýaty 220 kV bolatyn «Ortalyq» qosalqy stantsiiasy paidalanýǵa berildi, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Stantsiianyń ashylýyna «Samuryq-Qazyna» uttyq ál-aýqat qory» AQ basqarma tóraǵasy Almasadam Sátqaliev, «KEGOC» AQ Basqarma tóraǵasy Qanysh Moldabaev, Túrkistan oblysynyń ákimi Ómirzaq Shókeev qatysyp, jobanyń mańyzdylyǵyna toqtaldy.
«Bul joba elimizdiń energetikalyq qaýipsizdigin jáne ulttyq energetikalyq júieniń, ásirese ońtústik, energiia tapshylyǵy bar óńirdiń senimdiligin arttyrady. Ikemdi generatsiialaý rejimi bar aralas tsikldi zaýyttyń qurylysy Qazaqstan Respýblikasynyń energetika júiesine jańartylatyn energiia kózderin biriktirý úshin qolaily jaǵdai jasaidy», – dedi «Samuryq-Qazyna» AQ basshysy.
«Túrkistanda sońǵy 4 jylda atqarylǵan aýqymdy jumystardyń nátijesinde qalany damytýdyń 1-kezeńi aiaqtalyp, Túrkistan qalasyn odan ary qarai damytýdyń 2-kezeńi bastaldy. Nátijesinde halyqaralyq áýejai, ákimshilik-iskerlik jáne mádeni-rýhani ortalyqtary salynyp, qalanyń negizgi áleýmettik infraqurylymy qalandy. Qala aýmaǵynda záýlim ǵimarattar, mádeniet jáne sporttyq, áleýmettik nysandar salyndy. Atalǵan nysandar men qala turǵyndaryn sapaly, turaqty elektr qýatymen qamtý – mańyzdy mindet. Sondyqtan «KEGOC» AQ tarapynan oblysymyzda «Ortalyq» qosalqy stantsiiasy paidalanýǵa berilip otyr. Bul stantsiia Túrkistan qalasy men Saýran aýdany turǵyndaryn sapaly elektrmen qamtamasyz etedi», – dedi Ó.Shókeev.
KEGOC» AQ Basqarma tóraǵasy Qanysh Moldabaev ta bul jobanyń óńirde energiia tapshylyǵyn boldyrmaýda mańyzy zor ekenin, stantsiia Túrkistan energiia torabynda elektr energiiasyn tutyný aitarlyqtai ósýine bailanysty salynǵanyn atap ótti.
«Jańa qosalqy stantsiia Túrkistan energiia torabyn qosymsha elektrmen jabdyqtaý ortalyǵyn qamtamasyz etedi. Osynyń arqasynda jergilikti taratý elektr jelisin damytý úshin jaǵdailar jasalady, óńirlik jeliniń qajetti ótkizý qabileti qamtamasyz etiledi», – dedi ol.
«Túrkistan qalasyn damytý boiynsha birinshi kezektegi is-sharalardy iske asyrý jónindegi jol kartasyna» sáikes, «Túrkistan qalasyn syrtqy elektrmen jabdyqtaý shemasyn kúsheitý. Elektr jelilik obektilerdiń qurylysy» jobasyn iske asyrý «KEGOC» AQ-na bekitilgen. Nátijesinde «KEGOC» AQ qurylysty 2019-2022 jyldary júrgizip, stantsiiany paidalanýǵa berdi. Qosalqy stantsiiaǵa kerneýi 110kV jáne odan tómen jergilikti taratý elektr jelisi qosylatyn bolady. Joǵarǵy kerneýli 220 kV «Ortalyq» qosalqy stantsiiasy 220 kV elektr jelisine qosylady jáne qalany syrtqy elektrmen jabdyqtaýdyń qajetti ótkizý qabileti men senimdiligin qamtamasyz etedi.
Stantsiiada zaman talabyna sai ozyq tehnologiialar qoldanylǵan. Energetikalyq nysanǵa «Iassy», «Soltústik», «Kommýnalnaia», «Saýran» qosalqy stantsiialaryn jáne 50 MVt jylý energiia ortalyǵyn (JEO) qosý jumystary júrip jatyr. Qosalqy stantsiia arqyly Túrkistan qalasy men Saýran aýdanynyń 300 myńnan astam turǵyny, áleýmettik, shaǵyn jáne orta biznes nysandary sapaly elektr energiiasymen qamtamasyz etiledi. Qurylys kezinde oblystyń 100-den astam turǵyny jumyspen qamtylsa, qazir stantsiiada 10 adam turaqty jumysqa ornalasqan.
