Túrkistan oblysynda ekonomikanyń negizgi kórsetkishi – jalpy óńirlik ónerkásip óniminiń kólemi 534 mlrd. teńgeni qurap, 2021 jyldyń tiisti kezeńimen salystyrǵanda 125 mlrd. teńgege ósken. Túrkistan oblysynyń 2022 jyldyń 8 aiynda oblystyń ónerkásip áleýetin damytý maqsatynda jalpy quny 12 mlrd. 700 mln. teńgege 26 investitsiialyq joba iske qosylyp, 936 jumys orny ashyldy. Oblys úshin mańyzdy iri jobalardy iske asyrýdy josparlanyp otyr. Atap aitqanda, kaýstikalyq soda, PVH, karbid kaltsii, tsement óndiretin, 5 klasty motor maiy men munai ónimderin óndiretin jáne fosforit óńdeý zaýyty iske qosylady.
Aýyl sharýashylyǵy salasynda 477 mlrd. teńgeniń ónimi óndirilip, ótken jylmen salystyrǵanda 4%-ǵa artty. Egistikti ártaraptandyrýdyń nátijesinde kókónis, baqsha, kartop ónimderinen 3 mln. tonna ónim jinaldy. Elimizde salynǵan jylyjailardyń 71% oblysqa tiesili. Jańadan 85 gektarǵa jylyjailar salynyp, jalpy kólemi 1 552 gektardy qurady.
Mal basyna qajetti azyq 100% jinalyp 4 mln. tonnany qurap, jalpy qystatý naýqanyna 5 mln. tonna mal azyǵy jinalady. Túrkistan aýmaǵyn aǵyn sýmen qamtamasyz etý maqsatynda birqatar sý nysandarynyń qurylys-jóndeý jumystary júrgizildi. Josparlanǵan sharalardy iske asyrý nátijesinde jyl qorytyndysymen aýyl sharýashylyǵy jalpy ónim kólemi 1 trln. teńgege jetkiziletin bolady.
Qurylys jumystarynyń kólemi 169 mlrd. teńgeni qurap, 9%-ǵa ósse, jyl basynan 486 myń sharshy metr turǵyn úi paidalanýǵa berilip, 34%-ǵa artqan. «Qýatty óńirler-el damýynyń draiveri» ulttyq jobasy aiasynda jyl sońyna deiin jalpy 85 turǵyn úidiń qurylysyn aiaqtaý josparlanýda (5 229 páter, 328,3 myń m2).
Biýdjet esebinen 59 mekteptiń qurylysy júrgizilip jatqanyn, nátijesinde biyl 4 apatty jáne 2 úsh aýysymdy mekteptiń máselesi sheshiletinin baiandady. Budan bólek, jeke investorlarmen 13 mektep paidalanýǵa beriledi. Az qamtamasyz etilgen otbasylardyń 53 myńǵa jýyq balaǵa mektep formasy men keńselik taýarlaryn satyp alýǵa jergilikti biýdjetten 2 mlrd.teńge bólingen.
Jyl basynan ekonomikaǵa 338 mlrd. teńgege jýyq investitsiia baǵyttalyp, 2%-ǵa artty. Jeke investorlar esebinen júzege 10 jobany iske qosý josparlansa, búgingi kúnge quny 4 mlrd. teńgeni quraityn 4 investitsiialyq joba iske qosylyp, 128 jańa jumys orny ashyldy.
Túrkistan qalasyn túrki áleminiń mádeni-rýhani ortalyǵy retinde qalyptastyrý jumystarynyń ekinshi kezeńi júrgizilip jatqanyn jetkizdi. Túrkistandy damytýǵa 1,3 trln. teńge investitsiia tartylady dep kútilýde. Onyń 1 trln. teńgesi nemese 77% jeke investitsiialar.
