© Sputnik / Timýr Batyrshin
Túrkistan oblysy Shardara aýdanynda oqýshy qyz ben jasóspirim arasyndaǵy janjal qaiǵyly aiaqtaldy, dep habarlaidy Sputnik Qazaqstan oblystyq PD baspasóz qyzmetine silteme jasap.
Túrkistan oblysy Shardara aýdany politsiia bóliminiń 102 pýltine kóshelerdiń birinen er balanyń máiiti tabylǵany týraly habarlama kelip túsken. Oqiǵa ornyna jedel jetken politsiia marqumnyń Shardara qalasynyń turǵyny ekenin anyqtady.
Oqýshy qyz ben jasóspirim túngi saǵat 3.00 shamasynda kezdesken. Qyz ózimen birge pyshaq alyp kelgen. Kezdesý sońy janjalǵa ulasyp, qyz bozbalaǵa pyshaq salǵan. Er bala alǵan jaraqatynan oqiǵa ornynda qaitys boldy. Kúdikti oqýshy qyz jasaǵan áreketin tolyq moiyndady.
"Bul fakt boiynsha sotqa deiingi tergeý amaldary júrip jatyr. Saraptamalar taǵaiyndaldy. Kúdikti jasóspirim qyz qamaýǵa alyndy. Politseiler oqiǵanyń tolyq mán-jaiyn anyqtap jatyr. Oqiǵa ornynan as úi pyshaǵy men basqa da zattai dáleldemeler tárkilendi", - dep habarlaidy Túrkistan oblysy politsiia departamentiniń baspasóz qyzmeti.
