Túrkistan qalasy turǵyndarymen kezdesken oblys ákimi Ómirzaq Shókeev el basshylyǵynyń qoldaýy men túrkistandyqtardyń eńbekqorlyǵynyń arqasynda óńirdiń damyp jatqanyn aityp, alda júzege asatyn tyń jobalarǵa toqtaldy. Óńir ekonomikasy nyǵaiyp, jańa jumys oryndarynyń qurylǵanyn airyqsha atap ótti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Óńirge investitsiia tartý maqsatynda úlken joba iske asyrylýda. Ol – «Ógem ózeninde sý elektr stantsiialary kaskady». Bul joba boiynsha oblysqa 293,3 mlrd. teńge jeke investitsiia tartylatyn bolady. Jobanyń boljamdy quny 722,8 mlrd. teńgeni quraidy. Qurylys 2024-2026 jyldary júzege asyrylady.
— Atalǵan joba iske asqan jaǵdaida oblystyń ońtústigindegi turǵyndardy túbegeili aýyz sýmen qamtamasyz etetin bolamyz. Ózderińizge belgili jyl saiyn elimizde elektr defitsiti baiqalyp keledi. Oblysqa qajetti elektr qýatynyń 80%-y syrtqy kózderden tasymaldanady (qajettilik 320 MVt). Atalǵan máseleni túbegeili sheshý maqsatynda «Samuryq-Qazyna» AQ-men birlesip, 1000 MVt Gaz stantsiiasyn (PGÝ) salýdy josparlap otyrmyz. Biylǵy jyldyń 15 shildesinde aýktsion ótkizilip, jeńimpazy bolyp «PGÝ Túrkistan» JShS-gi anyqtaldy. Qurylys kezinde 2000-2500, paidalaný kezinde 200-250 turaqty jumys orny ashylady,— dedi Túrkistan oblysynyń ákimi Ómirzaq Shókeev.
Ótken jyldyń qorytyndysymen áleýmettik-ekonomikalyq damýdyń barlyq negizgi kórsetkishteri boiynsha ósim qamtamasyz etildi. Jalpy óńirlik ónim kólemi 2021 jyly 268,8 mlrd. teńgeni qurap, ósim 3,6 esege artty. 4 jylda shaǵyn jáne orta biznes sýbektileriniń sany 14 myńnan asyp, ondaǵy jumysshylar sany 30 myńǵa jetti. Ónim kólemi 260 mlrd. teńgeni qurady. Tartylǵan investitsiia 291,4 mlrd. teńgeni qurap, 8 esege artty.
Jyl basynan beri ónerkásip óniminiń kólemi 392,6 mlrd. teńgeni qurap, ótken jyldyń tiisti kezeńimen salystyrǵanda edáýir artty. Óńirde 150 myńǵa jýyq shaǵyn jáne orta biznes sýbektileri jumys isteidi. Aýyl sharýashylyǵynda 243,7 mlrd. teńgeniń ónimi óndirildi. Oblysqa 263,2 mlrd. teńge investitsiia baǵyttaldy.
