Túrkistan oblysynda qymbat avtokólikterdi urlap júrgen aǵaiyndylar ustaldy. Kriminaldyq politsiia basqarmasynyń qyzmetkerleri seziktilerdi Shymkentte qolǵa túsirgen, dep habarlaidy "Ult aqparat".
Oblystyq PD baspasóz qyzmetiniń málimetinshe, tamyz aiynyń basynda Saryaǵash aýdandyq PB-na Resei Federatsiiasynyń azamaty aryzdanǵan. Ol Jibek joly aýylynyń avtoturaǵynan «Toiota Land Krýzer 200» markaly avtokóligin urlap ketkenin aitqan. Jábirlenýshige 20 million teńgeden astam shyǵyn (3,5 million Resei rýbli) kelgen. Atalǵan qylmysty ashý maqsatynda Kriminaldyq politsiia jáne tergeý bóliminiń tájiribeli qyzmetkerleri qatarynan jedel-tergeý toby qurylǵan. Qajetti jedel-izdestirý sharalaryn júrgizý kezinde qylmys orny men beinebaqylaý kameralary muqiiat tekserilip, kýágerlerden suraq-jaýaptar alynǵan. Nátijesinde tártip saqshylary kúdiktilerdiń izine túsip, olar Shymkent qalasynda ustaldy. Qolǵa túsken eki aǵaiyndy jigit megapolis turǵyndary ekeni belgili boldy. Sondai-aq, kóp uzamai-aq Qaraǵandy qalasynan urlanǵan kólikterdi satyp alǵan azamat ta qamaýǵa alyndy.
«Atalǵan jait Saryaǵash PB-da QR QK-niń 188-baby »Urlyq«boiynsha tirkeýge alynyp, qylmystyq is qozǵaldy. Qazirgi ýaqytta kúdiktiler Túrkistan oblysyna jetkizildi. Politsiia qyzmetkerleri bul qylmystyq toptyń basqa da qymbat kólikter urlyǵyna qatysy bar ekendigin joqqa shyǵarmaidy. Ustalǵan úsh kúdikti de qamaýda. Sotqa deiingi tergeý amaldary júrgizilýde», delingen habarlamada.
