Túrkistan oblysynda koronavirýs juqtyrǵan besinshi naýqas ta Jetisai aýdanynyń turǵyny ekeni anyqtaldy.
Bul týraly onlain brifingte oblystyq Taýarlar men kórsetiletin qyzmetterdiń sapasy jáne qaýipsizdigin baqylaý departamentiniń basshysy Nurbek Nyshanov málimdedi, dep habarlaidy "Ult aqparat".
Óńirdiń bas sanitar dárigeriniń aitýynsha, koronavirýs juqtyrǵan naýqastardyń tórteýi bir otbasynyń adamdary ekeni anyqtalǵan.
«Jetisai aýdanynda alǵashqy tirkelgen naýqastyń úiindegi úsh adamnan da synama alǵan bolatynbyz. Olardyń bárinen alynǵan synamalar oń nátije berdi. Odan bólek besinshi naýqas ta osy Jetisai aýdanynyń turǵyny bolyp tabylady. Almaty qalasynda is-saparda bolǵan. Ol da kelip, aýrýhanada emdelip jatqan. Klinikalyq belgileri boiynsha synamalar alynǵan kezde oń nátije bergen. Qazirgi tańda olarmen qarym-qatynasta bolǵan 41 adam esepke alynyp, emdeý mekemelerine oqshaýlandy. Zerthanalyq synamalar alynyp, tiisti jumystar atqarylýda»,- dedi Nurbek Nyshanov.
Atalǵan departamenttiń málimetinshe, qazir naýqastar men qarym-qatynasta bolǵan adamdar dárigerlerdiń baqylaýyna alynǵan. Jaǵdailary qanaǵattanarlyq dárejede. 31 naýryz kúni dezinfektsiialyq qyzmet naýqastardyń turǵan úi-jailaryn dezinfektsiialaý jáne sanitarlyq óńdeý sharalaryn ótkizgen. 31 naýryzda koronavirýs infektsiiasyn juqtyrǵan naýqas Jetisai aýdandyq ortalyq aýrýhanasynda em alýda.
«Óńirde Covid -19 koronavirýstyq infektsiiasynan qolaisyz elderden kelgen 495 adam monitoringtik baqylaýǵa alynǵan. Onyń ishinde 1 «a» sanatyndaǵy elderden kelgeni - 9 adam, 1 «b» sanatyndaǵy elderden kelgeni - 486 adam bar. Infektsiia oshaǵynda oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti, basqarma mamandarymen jáne oblystyq infektsionist dárigermen epidemiologiialyq zerdeleý jumystary men indetke qarsy sharalar kesheni júrgizilýde. «Ulttyq saraptama ortalyǵy» Túrkistan oblysy boiynsha dezinfektsiialaý ortalyǵy kúshterimen dezinfektsiialyq jumystar júrgizilgen» delingen habarlamada.
