Foto: Túrkistan oblysy ákimdigi
Ordabasy aýdanyndaǵy Bógen sý qoimasynyń mańynda júrgizilgen arheologiialyq qazba jumystary nátijesinde qola dáýirine tiesili qundy jádigerler tabyldy, dep habarlaidy Túrkistan oblysy ákimdiginiń baspasóz qyzmeti.
Ǵylymi ekspeditsiiaǵa belgili arheolog A. N. Podýshkin jetekshilik etti. Qundy jádigerler arasynda 60–40 myń jyl burynǵy tas quraldar, altynmen kómkerilgen áshekei buiymdar, qoladan jasalǵan bilezikter men turmystyq zattar, jaýyngerdiń qarý-jaraqtary, sondai-aq ortaǵasyrlyq mys tiyndar bar.
Mamandardyń aitýynsha, mundai kólemdegi jádigerler alǵash ret Orta Aziia keńistiginde dál osy Ordabasy jerinen tabylyp otyr. Bul — tek Qazaqstan tarihy ǵana emes, búkil aimaq úshin úlken ǵylymi jańalyq.
Barlyq tabylǵan buiymdar arnaiy zerthanalyq saraptamadan ótkizilip, keiinnen «Ordabasy» ulttyq tarihi-mádeni qoryq-mýzeiiniń qoryna tapsyrylatyn bolady.
Arheologtardyń aitýynsha, bul qazbalar Ordabasy óńiriniń ejelgi órkeniet pen mádeniettiń iri ortalyǵy bolǵanyn aiqyn dáleldeidi.
Aita keteiik, budan buryn Túrkistanda meditsina qyzmetkerine kúsh qoldanǵan turǵyn qamaýǵa alynǵanyn jazǵan bolatynbyz.
