فوتو: تٷركٸستان وبلىسى ەكٸمدٸگٸ
ورداباسى اۋدانىنداعى بٶگەن سۋ قويماسىنىڭ ماڭىندا جٷرگٸزٸلگەن ارحەولوگييالىق قازبا جۇمىستارى نەتيجەسٸندە قولا دەۋٸرٸنە تيەسٸلٸ قۇندى جەدٸگەرلەر تابىلدى, دەپ حابارلايدى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ.
عىلىمي ەكسپەديتسيياعا بەلگٸلٸ ارحەولوگ ا. ن. پودۋشكين جەتەكشٸلٸك ەتتٸ. قۇندى جەدٸگەرلەر اراسىندا 60–40 مىڭ جىل بۇرىنعى تاس قۇرالدار, التىنمەن كٶمكەرٸلگەن ەشەكەي بۇيىمدار, قولادان جاسالعان بٸلەزٸكتەر مەن تۇرمىستىق زاتتار, جاۋىنگەردٸڭ قارۋ-جاراقتارى, سونداي-اق ورتاعاسىرلىق مىس تيىندار بار.
مامانداردىڭ ايتۋىنشا, مۇنداي كٶلەمدەگٸ جەدٸگەرلەر العاش رەت ورتا ازييا كەڭٸستٸگٸندە دەل وسى ورداباسى جەرٸنەن تابىلىپ وتىر. بۇل — تەك قازاقستان تاريحى عانا ەمەس, بٷكٸل ايماق ٷشٸن ٷلكەن عىلىمي جاڭالىق.
بارلىق تابىلعان بۇيىمدار ارنايى زەرتحانالىق ساراپتامادان ٶتكٸزٸلٸپ, كەيٸننەن «ورداباسى» ۇلتتىق تاريحي-مەدەني قورىق-مۋزەيٸنٸڭ قورىنا تاپسىرىلاتىن بولادى.
ارحەولوگتاردىڭ ايتۋىنشا, بۇل قازبالار ورداباسى ٶڭٸرٸنٸڭ ەجەلگٸ ٶركەنيەت پەن مەدەنيەتتٸڭ ٸرٸ ورتالىعى بولعانىن ايقىن دەلەلدەيدٸ.
ايتا كەتەيٸك, بۇدان بۇرىن تٷركٸستاندا مەديتسينا قىزمەتكەرٸنە كٷش قولدانعان تۇرعىن قاماۋعا الىنعانىن جازعان بولاتىنبىز.
