Túrkistan oblysynda kimin alyp ketýge kelgen kelin enesimen jáne qaiynsińlisimen tóbelesip qalǵan. Bul video áleýmettik jelige tarap, jurttyń jaǵasyn ustatty, dep habarlaidy "Ult aqparat".
Áleýmettik jelide taraǵan videoda kelini men enesi tipti bir-birine qol kóterip, shash julýǵa deiin barǵany túsip qalǵan. Olardy ajyratpaq bolyp júrgen azamatshanyń kiimi jyrtylyp, ekeýi de jerge qulaǵanyn kórýge bolady.
Túrkistan oblysynyń politseileri áleýmettik jelige monitoring júrgizý kezinde atalǵan jaittyń 29 tamyz kúni Arys qalasynda bolǵanyn anyqtaǵan.
Oblystyq PD baspasóz qyzmetiniń málimetinshe, Arys APB 102 pýltine jergilikti turǵyn aryzdanyp, úiinde aiqai-shý bolyp jatqanyn aitqan. Jábirlenýshi áiel ajyrasqan kelininiń týystarymen kelip, ózine dene jaraqatyn salǵanyn jetkizgen.
Ol atalmysh daý beinejazbaǵa túsirilip, messendjer arqyly taraǵanyn jáne abyroiyna nuqsan kelgenin habarlaǵan. Atalǵan aqparat boiynsha tekserý júrgizgen tártip saqshylary ajyrasqan kelini kiimderin alyp ketýge kelgende tóbeles bastalǵanyn anyqtaǵan.
«Kelini men enesi ózara kelispei daý shyǵyp, jaǵa ustasqan. Tipti, bir-biriniń kiimin jyrtyp, dene jaraqatyn salǵany anyqtaldy. Atalǵan jaitqa bailanysty QR ÁQBtK 434-baby («Usaq buzaqylyq») boiynsha ákimshilik hattama toltyrylyp, saraptama taǵaiyndalǵan» delingen habarlamada.
