Túrkistan oblysyndaǵy kei aimaqtarda kún raiy 59 gradýsty kórsetip tur, dep habarlaidy QazAqparat.
Áleýmettik jelide Sozaq aýdanynda ornalasqan óndiristik aimaqtaǵy aýa raiyn kórsetetin qurylǵynyń fotosy tarap jatyr.
Onda kún raiynyń Tselsii boiynsha +59 gradýsqa jetkenin kórýge bolady.
Al, «Qazgidromet» RMK mamandary aptap ystyq 23 shildege deiin saqtalatynyn aityp otyr.
«Túrkistan oblysynda aptap ystyq 23 shildege deiin jalǵasady. Qazirgi kezde aýa-raiy Túrkistan qalasynda +42,3, Shymkentte +41,3 bolyp tur. Qyzylqumda 44, Qazyǵurtta 40, Arysta 43, Sozaq aýdanyndaǵy Tasty aýylynda 42 gradýs ystyq saqtalyp tur. Saǵat 15:00 men 18:00 aralyǵynda ystyq kóterilýi múmin. Al, 23 shilde kúni soltústikten salqyn aýa kelip, kún raiy 4 nemes 5 gradýsqa tómendeýi múmkin», - deidi «Qazgidromet» RMK Túrkistan oblysy boiynsha filialynyń meterologiia jáne boljaý bóliminiń basshysy Asiia Qydyrbaeva.
