Túrkistan oblysynda qaiyn ápkesi gaz plitasyn taza ustamaǵany úshin kelininiń betin qyzdyrylǵan shanyshqymen kúidirgen. Jurttyń jaǵasyn ustatqan jaǵdai áleýmettik jelige tarap ketken bolatyn, dep habarlaidy "Ult aqparat".
Oblystyq Politsiia departamentiniń málimetinshe, jelige jariialanǵan jaǵdai Otyrar aýdanynda tirkelgen. Alaida búgingi kúnge deiin Otyrar APB-ǵa osy jazbadaǵy jait boiynsha eshkim aryzdanbaǵan jáne habarlama túsirmegen.
«Qazirgi tańda jazba boiynsha tiisti sharalar atqarylýda. Bul jait TO PD bastyǵynyń jeke baqylaýyna alyndy. Otyrar APB politseilermen zań aiasyndaǵy tekserý jumystarynyń barlyǵy iske asyrylýda» delingen habarlamada.
