Túrkistan oblysynda koronavirýs tirkelgen joq. COVID-19-ben kúres jáne indettiń aldyn alý oblys boiynsha keń aýqymda júrgizilip jatyr, dep habarlaidy "Ult aqparat" oblys ákiminiń baspasóz qyzmetine silteme jasap.
Búginnen bastap Túrkistan oblysynyń aýmaǵyna azamattardyń kirip-shyǵýyn baqylap, tekserýden ótkizetin blok-posttar sany 38-ge jetkizildi. Baqylaý beketterinen táýligine 36 myńnan astam adam tekserýden ótkizilýde. Oblys ákimi Ómirzaq Shókeevtiń tapsyrmasyna sáikes, óńirdegi blok-posttarda beinebaqylaý kameralary ornatylǵan. Oǵan qosa «Sergek» kameralary arqyly politsiia qyzmetkerleri kólikterdiń baǵytyn qadaǵalap otyrady. Barlyq video 30 kún boiy saqtalady.
Sheteldik nómir taqqan kólikter men Nur-Sultan, Almaty qalalarynan kelgen kólikterdi tirkeýge alý boiynsha qaýipsizdik sharalary kúsheitilgen. Baqylaý beketterinde politsiia, dárigerler men jedel-járdem jáne tótenshe jaǵdai qyzmetkerleri táýlik boiy qyzmet etýde. Blok-posttardaǵy beinebaqylaý kameralary oblys ákimdiginde qurylǵan ahýaldyq ortalyqqa qosylǵan. Koronavirýs indetiniń taralýyna jol bermeýge jáne jaǵdaidy saraptamaǵa ala otyryp, halyqqa shynaiy aqparat deregin jariialap otyrýǵa baǵyttalǵan táýlik boiy jumys isteitin ahýaldyq ortalyqta barlyq quzyrly basqarmalardyń mamandary jumyldyrylǵan.
COVID-19 pnevmoniiasymen kúres úshin Túrkistan qalasyndaǵy qoǵamdyq oryndarda da saqtyq sharalary qatań baqylaýǵa alynǵan. Oblys ákimdiginiń uiymdastyrýmen turǵyndardyń saýaldaryna shuǵyl jaýap berý úshin arnaiy Call–ortalyq jumys isteidi. Call – ortalyq 109 nómiri arqyly táýlik boiy 24/7 formatta qońyraýlar qabyldaidy.
Infektsiianyń aldyn alý jáne onymen kúres boiynsha barlyq málimetti Túrkistan oblysy ákimdiginiń «TúrkistanCOVID-19 oblystyq shuǵyl aqparat taratý shtaby» paraqshasynan da bilýge bolady.
