Túrkistan oblysynda «Nur Otan» partiiasy qolǵa alǵan «Biz birgemiz» aktsiiasy jalǵasyn tabýda. Kornavirýsqa qarsy kúresti kúsheitý men kómekke asa muqtaj turǵyndardyń ál-aýqatyn kóterý maqsatynda uiymdastyrylǵan aktsiiaǵa óńirdegi kásipkerler, máslihat depýtattary men metsenattar bir kisidei atsalysyp jatyr, dep habarlaidy "Ult aqparat".
Azamattyq pen jomarttyq synǵa túsken kezeńde óńirdegi belgili kásipker, metsenat Ráshkúl Ospanálieva «Túrkistan» áleýmettik-korporativtik damý qoryna 25 mln teńge aýdaryp, airyqsha janashyrlyq tanytty. «Bereke-A» korporatsiiasynyń basshysy buǵan deiin de qaiyrymdy isterimen tanylyp júrgen bolatyn.
«Memleket tarapynan indetti taratpaý, eldiń densaýlyǵy men qaýipsizdigin saqtaý maqsatynda keshendi jumys atqarylyp jatyr. Bul qiyn sátte eldiń ár azamaty qoǵamǵa qoldan kelgen kómegin kórsetýi tiis dep esepteimin. Qaýipsizdik erejelerin saqtap, sabyr saqtai bilsek, bul qiyndyqtan da shyǵamyz», – deidi kásipker.
Aimaqta kúni búginge deiin «Biz birgemiz» aktsiiasy aiasynda Túrkistan oblysynyń aýdan-qalalarynda 2 myńnan astam otbasyna azyq-túlik, gigienalyq jáne meditsinalyq zattar taratyldy.
Bul mindetti oryndaýǵa «Nur Otan» partiiasy filialdarynyń ókilderi men «jasotandyqtar» jáne eriktiler tartylǵan.
