Túrkistan oblysynda karantin rejimin buzǵan 25 toihananyń jumysy sot sheshimimen 1 aiǵa toqtatyldy, dep habarlaidy "Ult aqparat".
Aýdan-qalalardaǵy mobildi toptar shekteý sharalaryna moiynsunbaǵan tulǵalarǵa 3 500-ge jýyq hattama toltyryp, 200 mln teńge kóleminde aiyppul saldy.
Bul týraly búgin óńirlik kommýnikatsiialar qyzmetinde ótken brifingte oblystyq sanitariialyq-epidemiologiialyq baqylaý departamenti basshysynyń orynbasary Baqtyoraz Elemesov málimdedi.
Onyń sózinshe, ótken táýlikte koronovirýs indetin juqtyrǵan 132 jaǵdai tirkelip, aýrýdyń ósý deńgeii 2,3 paiyzdy quraǵan.
«Sońǵy eki aptada aýrý kórsetkishi 2,5 esege artty. Jyl basynan beri óńirde 5 754 adam koronavirýs infektsiiasyn juqtyryp, onyń 12-si qaitys boldy. Indetti juqtyrǵandardyń basym bóligi vaktsina almaǵandar ekeni belgili bolyp otyr. Sondyqtan barlyq azamattardy vaktsina alýǵa shaqyramyz», – dedi Elemesov.
Sondai-aq, spiker úi karantinine jatqyzylǵan azamattardyń arasynda jaýapkershilikti sezinbei qoǵamǵa qaýip tóndirip júrgenderiniń bar ekenin aitty.
Iaǵni, «Ashyq» qosymshasy arqyly koronavirýs indetin juqtyrǵan 29 naýqas belgili bolyp, olarǵa ákimshilik shara qoldanylǵan.
