Túrkistan oblysynda marihýana satýmen ainalysqan erli-zaiyptylar ustaldy. Kúdiktilerdiń úiin tintý kezinde esirtki salynǵan 20-dan astam sirińke qoraby tabylǵan, dep habarlaidy "Ult aqparat".
Oblystyq PD baspasóz qyzmetiniń málimetinshe, Kriminaldyq politsiia basqarmasyna Túrkistan qalasynyń turǵyndary esirtki satýmen ainalysatyny týraly aqparat kelip túsken. Jedel-izdestirý is-sharasy barysynda tártip saqshylary esirtki zatyn ótkizdi degen kúdikpen oblys ortalyǵynyń turǵyndaryn ustaǵan. Belgili bolǵandai, er adam men onyń jubaiy uzaq ýaqyt boiy marihýana satýmen ainalysyp kelgen. Sot-kriminalistikalyq saraptamasyna sáikes, tárkilengen esirtki zaty jalpy salmaǵy 100 gramm bolatyn keptirilgen marihýana bolyp shyqty.
«Atalǵan jait QR QK-niń 297-babynyń 3-bóligimen «Esirtkilik jáne júikege áser etetin zattardy, sol tektesterdi ótkizý maqsatynda zańsyz daiyndaý, óńdeý, iemdenip alý, saqtaý, tasymaldaý, jóneltý nemese satý» boiynsha tirkeldi.
Kúdiktiler qamaýǵa alynyp, qazirgi ýaqytta sotqa deiingi tergeý amaldary júrgizilýde. Osy baptyń sanktsiiasyna sáikes, kúdikti jup esirtkini saqtaý jáne ótkizý úshin 15 jylǵa deiin bas bostandyǵynan aiyrylýy múmkin» delingen habarlamada.
