تٷركٸستان وبلىسىندا ماريحۋانا ساتۋمەن اينالىسقان ەرلٸ-زايىپتىلار ۇستالدى. كٷدٸكتٸلەردٸڭ ٷيٸن تٸنتۋ كەزٸندە ەسٸرتكٸ سالىنعان 20-دان استام سٸرٸڭكە قورابى تابىلعان, دەپ حابارلايدى "ۇلت اقپارات".
وبلىستىق پد باسپاسٶز قىزمەتٸنٸڭ مەلٸمەتٸنشە, كريمينالدىق پوليتسييا باسقارماسىنا تٷركٸستان قالاسىنىڭ تۇرعىندارى ەسٸرتكٸ ساتۋمەن اينالىساتىنى تۋرالى اقپارات كەلٸپ تٷسكەن. جەدەل-ٸزدەستٸرۋ ٸس-شاراسى بارىسىندا تەرتٸپ ساقشىلارى ەسٸرتكٸ زاتىن ٶتكٸزدٸ دەگەن كٷدٸكپەن وبلىس ورتالىعىنىڭ تۇرعىندارىن ۇستاعان. بەلگٸلٸ بولعانداي, ەر ادام مەن ونىڭ جۇبايى ۇزاق ۋاقىت بويى ماريحۋانا ساتۋمەن اينالىسىپ كەلگەن. سوت-كريميناليستيكالىق ساراپتاماسىنا سەيكەس, تەركٸلەنگەن ەسٸرتكٸ زاتى جالپى سالماعى 100 گرامم بولاتىن كەپتٸرٸلگەن ماريحۋانا بولىپ شىقتى.
«اتالعان جايت قر قك-نٸڭ 297-بابىنىڭ 3-بٶلٸگٸمەن «ەسٸرتكٸلٸك جەنە جٷيكەگە ەسەر ەتەتٸن زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, ٶڭدەۋ, يەمدەنٸپ الۋ, ساقتاۋ, تاسىمالداۋ, جٶنەلتۋ نەمەسە ساتۋ» بويىنشا تٸركەلدٸ.
كٷدٸكتٸلەر قاماۋعا الىنىپ, قازٸرگٸ ۋاقىتتا سوتقا دەيٸنگٸ تەرگەۋ امالدارى جٷرگٸزٸلۋدە. وسى باپتىڭ سانكتسيياسىنا سەيكەس, كٷدٸكتٸ جۇپ ەسٸرتكٸنٸ ساقتاۋ جەنە ٶتكٸزۋ ٷشٸن 15 جىلعا دەيٸن باس بوستاندىعىنان ايىرىلۋى مٷمكٸن» دەلٸنگەن حابارلامادا.
