Túrkistan oblysyndaǵy Qazyǵurt aýylynda er adamdy atyp ketti, dep habarlaidy Sputnik agenttigi.
12 qyrkúiek kúni tańerteń zardap shegýshi ortalyq aýdandyq aýrýhanaǵa jetkizildi. Jigitke oq tiip, jaraqat alǵan, dep habarlaidy oblystyq politsiia departamentiniń baspasóz hatshysy.
Dárigerler jigittiń ómirin saqtap qala almady.
"Oqiǵa Qylmystyq kodekstiń 99-baby (Adam óltirý) boiynsha tirkeldi", - dep habarlady oblystyq politsiia departamenti memlekettik til jáne aqparat bóliminiń jetekshisi Saltanat Qarakózova.
Qylmysty tergeý úshin tájiribeli qyzmetkerlerden jedel-tergeý toby quryldy. Politseiler kýágerlerdiń bárinen jaýap alyp, qaza bolǵan jigit aralasatyn adamdardy anyqtady.
Úsh táýlikten soń kúdiktiler ustaldy. Olardyń ekeýi Shymkent qalasynyń, al bireýi – Túrkistan oblysynyń turǵyny ekeni anyqtaldy. Kúdiktilerden sholaq myltyq ta tabyldy.
Qazirgi ýaqytta oqiǵanyń mán-jaiy anyqtalyp, tergeý júrgizilip jatyr.
