Túrkistan oblysynda memlekettik mekeme qyzmetkeri órtenip jatqan ǵimarat tóbesinen týdy alyp tústi, - dep habarlaidy Tengrinews.kz tilshisi "Otyrar" basylymyna silteme jasap.
Jumyspen qamtý ortalyǵynyń órtenip jatqan ǵimaratynan memlekettik týdy qutqarý sáti áleýmettik jelide qyzý talqylanyp jatyr.
Er adam órtenip jatqan ǵimarattyń tóbesine shyǵyp, óz densaýlyǵyna qaýip tóngenine qaramastan memlekettik rámizdi órtten alyp shaǵady.
Túrkistan oblysy TJD málimetinshe, video keiipkeri jumyspen qamtý ortalyǵynyń qyzmetkeri. Oqiǵa 17 shildede Sairam aýdany Aqsýkent aýylynda bolǵan. Órtten eshkim zardap shekken joq. Órtti sóndirýge 29 órtsóndirýshi men segiz politsiia qyzmetkeri barǵan.
"Jumyspen qamtý ortalyǵynyń bir qabatty ǵimaraty men "Svetofor" dúkeniniń shatyry, jalpy 413 sharshy metr aýmaqty órt sharpydy. Saǵat 14.31-de órt oqshaýlanyp, 16.15-te joiyldy. Qaza bolǵandar men zardap shekkender joq", - delingen Túrkistan oblysynyń Tótenshe jaǵdailar departamenti habarlamasynda.
