Túrkistan oblysynda er adam áieline pyshaqpen shabýyl jasap, artynsha ózin jaraqattaǵan, dep habarlaidy "Ult aqparat" Túrkistan Oblysynyń Politsiia departamentine silteme jasap.
Sairam aýdanynda erli-zaiyptylar arasynda janjal bolyp, er adam áielin pyshaqtaǵan. Sosyn ol jaraqat alǵan áielin kólikke salyp, birge Shymkentke qarai bet alǵan.
Er adamdy ustaýdy "Arlan" arnaiy jasaǵy qolǵa aldy. Er adam "Asar" shaǵyn aýdanynda ustaldy. Ol ózine birneshe ret pyshaq suqqan. Oqiǵa ornyna eki jedel járdem kóligi kelip, jaralanǵan erli-zaiyptylardy alyp ketti.
Shymkent qalalyq densaýlyq saqtaý basqarmasynyń málimetinshe, 35 jastaǵy er adamnan midyń shaiqalýy, ish qýysynyń ashyq pyshaq jaraqaty, jabyq bassúiek ishilik jaraqaty anyqtaldy.
Áieldiń jaǵdaiy ázirge belgisiz. Túrkistan oblysy politsiia departamenti, jaǵdaiǵa qatysty túsinikteme berdi.
"Áiel kúieýimen 2021 jyly ajyrasyp ketken. Er adam áielmen janjaldasyp, oqiǵa kezinde pyshaqpen qorqytyp, kepilge alyp, Shevrolet avtokóligimen Batys Qytai- Batys Eýropa trassasyna óziniń turǵylyqty jeri Qyzylorda oblysyna qarai baǵyt alǵan. Áieldiń jaqyndaryn óltiremin dep qorqytyp alyp ketken", – delingen habarlamada.
Kúdiktiniń talaby ony qýdalamaý men jaýapqa tartpaý bolǵan. Qylmys kezinde jábirlenýshi moiyn tusynan jeńil dene jaraqatyn alyp, aýrýhanaǵa jetkizilgen.
"Aýrýhanada oǵan meditsinalyq jáne psihologiialyq kómek kórsetildi. Belgili bolǵandai kúdikti jábirlenýshimen buryn nekede bolǵan, 3 balasy bar, 2021 jyldan bastap olar ajyrasqan. Kúdikti buryn eki ret sottalǵan. Lýdomaniiamen aýyrady. Kúdikti qamaýǵa alyndy", – delingen habarlamada.
