Túrkistan oblysynyń elektr jelilerinde aǵymdaǵy jyldyń 2 qarashasynan bastap elektr energiiasy men qýatynyń tapshylyǵy tirkeldi, dep habarlaidy QazAqparat.
Sebebi, «KEGOC» AQ óndirýshi qýattardyń tapshylyǵynan jáne 500 kVt-tyq «Soltústik-Ońtústik» tranzitiniń artyq júktelýine jol bermeý úshin májbúrli túrde shektegen. Endi elektr energiiasynyń tapshylyǵyn joiý maqsatynda kelisimder júrýde. Bul týraly Túrkistan oblysynyń energetika jáne turǵyn úi-kommýnaldyq sharýashylyq basqarma basshysynyń orynbasary Ashat Berdihanov málimdedi.
«Atalǵan másele QR Energetika ministrliginde sheshilýde. Jambyl GRES-ń generatsiiasyn 800 MVt-qa deiin arttyrý maqsatynda qosymsha energiia bloktaryn iske qosý jumystary júrýde. Sondai-aq, «Energopotok» JShS JGRES-pen elektr energiiasynyń qosymsha kólemin jetkizý boiynsha kelisimderge qol qoiyldy», - dedi Ashat Ermekuly.
