Túrkistan oblysynda eki bala shuńqyr sýyna batyp ketti, - dep habarlaidy Tengrinews.kz agenttigi Otyrar.kz saityna silteme jasap.
Qaiǵyly oqiǵa Túrkistan oblysy Báidibek aýdany Shaldar aýylynan 5 shaqyrym jerde bolǵan.
Kýágerlerdiń aitýynsha, oqýshylar únemi shuńqyr mańynda oinaidy eken. 2012 jyly týǵan bala shomylǵysy kelip, sýǵa sekirgen. Onyń batyp bara jatqanyn kórgen ekinshi bala kómekke júgirgen. Ekeýi de ózdiginen shyǵa almai, sýǵa batyp ketken. Bul jaǵdai basqa balalardyń kóz aldynda bolǵan.
"Jasandy shuńqyr karer sýymen tolyqqan, eni 20 metr, uzyndyǵy 50 metr, tereńdigi 2 metr bolady. Jergilikti turǵyndar 2012 jyly týǵan eki balanyń denesin sýdan alyp shyqty. Olar shomylýǵa arnalmaǵan jerde sýǵa túsken. Balalar shamamen 17.30-da batyp ketken. Oqýshylardy izdeýge Tótenshe jaǵdai departamentiniń 4 qyzmetkeri, 1 tehnikasy, Politsiia departamentiniń 20 qyzmetkeri jáne 6 tehnikasy, jergilikti turǵyndar, balalardyń týystary jumyldyryldy", - dedi Túrkistan oblysy TJD baspasóz qyzmeti ókili.
Osyǵan uqsas jazataiym oqiǵa ai basynda Shymkenttegi "Qaitpas" shaǵynaýdanynda bolǵan edi. Onda 2007 jyly týǵan jasóspirim 2 metr karer sýyna batyp ketken bolatyn.
