تٷركٸستان وبلىسىندا ەكٸ بالا شۇڭقىر سۋىنا باتىپ كەتتٸ, - دەپ حابارلايدى Tengrinews.kz اگەنتتٸگٸ Otyrar.kz سايتىنا سٸلتەمە جاساپ.
قايعىلى وقيعا تٷركٸستان وبلىسى بەيدٸبەك اۋدانى شالدار اۋىلىنان 5 شاقىرىم جەردە بولعان.
كۋەگەرلەردٸڭ ايتۋىنشا, وقۋشىلار ٷنەمٸ شۇڭقىر ماڭىندا وينايدى ەكەن. 2012 جىلى تۋعان بالا شومىلعىسى كەلٸپ, سۋعا سەكٸرگەن. ونىڭ باتىپ بارا جاتقانىن كٶرگەن ەكٸنشٸ بالا كٶمەككە جٷگٸرگەن. ەكەۋٸ دە ٶزدٸگٸنەن شىعا الماي, سۋعا باتىپ كەتكەن. بۇل جاعداي باسقا بالالاردىڭ كٶز الدىندا بولعان.
"جاساندى شۇڭقىر كارەر سۋىمەن تولىققان, ەنٸ 20 مەتر, ۇزىندىعى 50 مەتر, تەرەڭدٸگٸ 2 مەتر بولادى. جەرگٸلٸكتٸ تۇرعىندار 2012 جىلى تۋعان ەكٸ بالانىڭ دەنەسٸن سۋدان الىپ شىقتى. ولار شومىلۋعا ارنالماعان جەردە سۋعا تٷسكەن. بالالار شامامەن 17.30-دا باتىپ كەتكەن. وقۋشىلاردى ٸزدەۋگە تٶتەنشە جاعداي دەپارتامەنتٸنٸڭ 4 قىزمەتكەرٸ, 1 تەحنيكاسى, پوليتسييا دەپارتامەنتٸنٸڭ 20 قىزمەتكەرٸ جەنە 6 تەحنيكاسى, جەرگٸلٸكتٸ تۇرعىندار, بالالاردىڭ تۋىستارى جۇمىلدىرىلدى", - دەدٸ تٷركٸستان وبلىسى تجد باسپاسٶز قىزمەتٸ ٶكٸلٸ.
وسىعان ۇقساس جازاتايىم وقيعا اي باسىندا شىمكەنتتەگٸ "قايتپاس" شاعىناۋدانىندا بولعان ەدٸ. وندا 2007 جىلى تۋعان جاسٶسپٸرٸم 2 مەتر كارەر سۋىنا باتىپ كەتكەن بولاتىن.
