Túrkistan oblysy, Tólebi aýdanynyń Sarqyrama eldimekeninde ǵulama ǵalym, akademik Dinmuhammed Qonaevqa eskertkish ornatyldy, dep habarlaidy QazAqparat.
Sondai-aq músin ornatylǵan kóshege zańǵar tulǵanyń esimi berildi.
Alqaly jiynǵa QR Parlamenti Májilisiniń depýtaty Darhan Myńbai, Túrkistan oblysynyń qurmetti azamattary Ábdijappar Ońalbaev, Ismat Tursynqulov, Sháripbek Jamalbek qatysyp, kemeńger tulǵanyń ómir joly jaiynda baiandady.
Túrkistan oblysy Qoǵamdyq keńesiniń tóraǵasy Baidildá Jylqyshiev, memleket qairatkeri Asqar Myrzahmetov, Ońtústik Qazaqstan oblysynyń qurmetti azamaty Ábilqasym Dosbolov, aýdan ákimi Tólegen Telǵaraev eskertkishke gúl shoqtaryn qoiyp, taǵzym etti.
Aita keteiik, D.Qonaevtyń 110 jyldyǵyna arnalǵan eskertkish el azamattarynyń uiytqy bolýymen demeýshilik qarjyǵa jasaldy. Qoladan quiylǵan, jalpy biiktigi 5 metrdi quraidy.
