Túrkistan oblysynda birde-bir qylmys tirkelmegen, ajyrasý sany azaiǵan aýyl bar, - dep habarlaidy Tengrinews.kz tilshisi Polisia.kz basylymyna silteme jasap.
Túrkistan oblysynda jyl basynan beri birde-bir qylmys tirkelmegen, sońǵy bes jylda ajyrasý múldem oryn almaǵan aýyl bar. Bul Jetisai aýdanyndaǵy Maqtaly aýyl ákimshiliginde ornalasqan - Almaly aýyly.
Sońǵy 6 jyldan beri ishimdik, temeki siiaqty ziiandy dúnielerdiń dúken sórelerinde satylmaýy - aýyldyń berekesin kirgizip otyr. Tiisinshe, osy ýaqyt aralyǵynda munda ajyrasý jaittary bolmaǵan. Birde-bir qylmystyq quqyq buzýshylyq, iaǵni urlyq jaittary oryn almaǵan. Eń bastysy, myńnan astam shańyraqtyń turǵyndary tynysh turyp jatyr.
Bul aýyldyń airandai uiyp otyrýyna Ilias Jabaev, Muhit Djýmabekov, Saparhan Kaipov atty ýchaskelik politsiia inspektorlarynyń eńbegi zor. Aýyldyń qai turǵynyn áńgimege tartsańyz, tártip saqshylarynyń kásibi sheberligin, eńbekqorlyǵyn, istegen jumysyn tizbektei jóneledi.
Aýyldyń betke ustar qarttarynyń aitýynsha, politseiler kúndelikti jergilikti jurtshylyqtyń jaǵdaiyn bilip, úidi-úi aralap otyrady. Tártipti qadaǵalap, eldiń qorǵany degen atqa sai qyzmet etedi. Osyndai qadaǵalaý men baqylaýdyń arqasynda jastar jaman ádetterden boilaryn aýlaq ustaidy. Nátijesinde úlkenderdi syilap, yntymaǵy jarasyp otyrǵan jaiy bar.
