تٷركٸستان وبلىسىندا بٸردە-بٸر قىلمىس تٸركەلمەگەن, اجىراسۋ سانى ازايعان اۋىل بار, - دەپ حابارلايدى Tengrinews.kz تٸلشٸسٸ Polisia.kz باسىلىمىنا سٸلتەمە جاساپ.
تٷركٸستان وبلىسىندا جىل باسىنان بەرٸ بٸردە-بٸر قىلمىس تٸركەلمەگەن, سوڭعى بەس جىلدا اجىراسۋ مٷلدەم ورىن الماعان اۋىل بار. بۇل جەتٸساي اۋدانىنداعى ماقتالى اۋىل ەكٸمشٸلٸگٸندە ورنالاسقان - المالى اۋىلى.
سوڭعى 6 جىلدان بەرٸ ٸشٸمدٸك, تەمەكٸ سيياقتى زيياندى دٷنيەلەردٸڭ دٷكەن سٶرەلەرٸندە ساتىلماۋى - اۋىلدىڭ بەرەكەسٸن كٸرگٸزٸپ وتىر. تيٸسٸنشە, وسى ۋاقىت ارالىعىندا مۇندا اجىراسۋ جايتتارى بولماعان. بٸردە-بٸر قىلمىستىق قۇقىق بۇزۋشىلىق, ياعني ۇرلىق جايتتارى ورىن الماعان. ەڭ باستىسى, مىڭنان استام شاڭىراقتىڭ تۇرعىندارى تىنىش تۇرىپ جاتىر.
بۇل اۋىلدىڭ ايرانداي ۇيىپ وتىرۋىنا يلياس جاباەۆ, مۇحيت دجۋمابەكوۆ, ساپارحان كايپوۆ اتتى ۋچاسكەلٸك پوليتسييا ينسپەكتورلارىنىڭ ەڭبەگٸ زور. اۋىلدىڭ قاي تۇرعىنىن ەڭگٸمەگە تارتساڭىز, تەرتٸپ ساقشىلارىنىڭ كەسٸبي شەبەرلٸگٸن, ەڭبەكقورلىعىن, ٸستەگەن جۇمىسىن تٸزبەكتەي جٶنەلەدٸ.
اۋىلدىڭ بەتكە ۇستار قارتتارىنىڭ ايتۋىنشا, پوليتسەيلەر كٷندەلٸكتٸ جەرگٸلٸكتٸ جۇرتشىلىقتىڭ جاعدايىن بٸلٸپ, ٷيدٸ-ٷي ارالاپ وتىرادى. تەرتٸپتٸ قاداعالاپ, ەلدٸڭ قورعانى دەگەن اتقا ساي قىزمەت ەتەدٸ. وسىنداي قاداعالاۋ مەن باقىلاۋدىڭ ارقاسىندا جاستار جامان ەدەتتەردەن بويلارىن اۋلاق ۇستايدى. نەتيجەسٸندە ٷلكەندەردٸ سىيلاپ, ىنتىماعى جاراسىپ وتىرعان جايى بار.
