Túrkistan oblysynyń ákimdigi koronavirýs juqtyrǵany búgin anyqtalǵan adamdar týraly málimet taratty, dep habarlaidy "Ult aqparat".
Túrkistan oblysynda 3 sáýir kúngi sońǵy aqparatqa sáikes, koronavirýs indetin juqtyrǵan taǵy 3 adam tirkeldi. Búginde óńirde koronavirýs indetimen jalpy 19 adam tirkelgen.
1992 jyly týǵan naýqas Sairam aýdany, Qosbulaq aýylynyń týmasy Birikken Arab Ámirliginen kelgen azamatpen bailanysta bolǵan.
1991 jyly týǵan azamatsha men 2019 jyly týǵan náreste Nur-Sultannan poiyzben kelgen azamatshamen jaqyn bailanysta bolǵan.
Qazirgi tańda 10 naýqas - Jetisai aýdanynda, Kentaý qalasynda - 2 adam, Arys qalasy - 1, Maqtaaral - 3, Ordabasy - 1 jáne Sairam aýdanynda - 2 adamnan tirkeldi.
Olar osyǵan deiin COVID-19 juqtyrǵan naýqastarmen bailanysta bolǵan.
Virýs juqtyrǵandar qazirgi ýaqytta oqshaýlanyp, em qabyldaýda. Atalǵan azamattarmen bailanysta bolǵandardy anyqtap, oqshaýlaý jumysy júrgizilip jatyr.
