Túrkistan oblysynda bir jarym jasar bala tereńdigi tórt metr bolatyn dárethanaǵa qulap ketken. Óńirdiń qutqarýshylary sábidi der kezinde qutqaryp qaldy, dep habarlaidy QazAqparat.
Oblystyq TJD baspasóz qyzmetiniń málimetinshe, oqiǵa Qazyǵurt eldimekenindegi úilerdiń birinde bolǵan. Dárethanaǵa túsip ketken balany ózdiginen shyǵara almaǵan turǵyndar «112» qyzmetine habarlasyp, qutqarýshylardy kómekke shaqyrtqan.
«Avariialyq-qutqarý jumystaryna Túrkistan oblysy TJD 5 qutqarýshysy men meditsinalyq jedel járdem qyzmetiniń 3 qyzmetkeri, politsiia departamentiniń 2 qyzmetkeri kelgen. Qutqarýshylar saǵat 15:03-te shuńqyrǵa qulap ketken balany qutqarý arqanynyń kómegimen shyǵaryp, jedel járdem qyzmetkerlerine tapsyrdy. Bala dárigerdiń tekserýinen keiin úiine jiberildi. Qazirgi ýaqytta balanyń jaǵdaiy turaqty» delingen habarlamada.
Aita keteiik, buǵan deiin Kentaý qalasynda jol astyndaǵy qubyrǵa túsip ketken 2 jastaǵy bala qutqarylǵan bolatyn. Qutqarýshylar 15 metrdei jerde keptelip qalǵan balany aman alyp shyqqan edi.
