تٷركٸستان وبلىسىندا بٸر جارىم جاسار بالا تەرەڭدٸگٸ تٶرت مەتر بولاتىن دەرەتحاناعا قۇلاپ كەتكەن. ٶڭٸردٸڭ قۇتقارۋشىلارى سەبيدٸ دەر كەزٸندە قۇتقارىپ قالدى, دەپ حابارلايدى قازاقپارات.
وبلىستىق تجد باسپاسٶز قىزمەتٸنٸڭ مەلٸمەتٸنشە, وقيعا قازىعۇرت ەلدٸمەكەنٸندەگٸ ٷيلەردٸڭ بٸرٸندە بولعان. دەرەتحاناعا تٷسٸپ كەتكەن بالانى ٶزدٸگٸنەن شىعارا الماعان تۇرعىندار «112» قىزمەتٸنە حابارلاسىپ, قۇتقارۋشىلاردى كٶمەككە شاقىرتقان.
«اۆارييالىق-قۇتقارۋ جۇمىستارىنا تٷركٸستان وبلىسى تجد 5 قۇتقارۋشىسى مەن مەديتسينالىق جەدەل جەردەم قىزمەتٸنٸڭ 3 قىزمەتكەرٸ, پوليتسييا دەپارتامەنتٸنٸڭ 2 قىزمەتكەرٸ كەلگەن. قۇتقارۋشىلار ساعات 15:03-تە شۇڭقىرعا قۇلاپ كەتكەن بالانى قۇتقارۋ ارقانىنىڭ كٶمەگٸمەن شىعارىپ, جەدەل جەردەم قىزمەتكەرلەرٸنە تاپسىردى. بالا دەرٸگەردٸڭ تەكسەرۋٸنەن كەيٸن ٷيٸنە جٸبەرٸلدٸ. قازٸرگٸ ۋاقىتتا بالانىڭ جاعدايى تۇراقتى» دەلٸنگەن حابارلامادا.
ايتا كەتەيٸك, بۇعان دەيٸن كەنتاۋ قالاسىندا جول استىنداعى قۇبىرعا تٷسٸپ كەتكەن 2 جاستاعى بالا قۇتقارىلعان بولاتىن. قۇتقارۋشىلار 15 مەتردەي جەردە كەپتەلٸپ قالعان بالانى امان الىپ شىققان ەدٸ.
