Túrkistan oblysynda bir táýlikte taǵy 5 adam indet juqtyrǵan. Bul týraly oblystyq tótenshe jaǵdai jónindegi shtab málimet taratty, dep habarlaidy "Ult aqparat".
Arnaiy shtabtyń habarlaýynsha, koronavirýsqa shaldyqqandardyń qatarynda eki jasar sábi men eki jasóspirim bar.
«Arystyq 2018 jylǵy sábi, Kentaý qalasynyń 1982 jylǵy, 2003 jylǵy, 2005 jylǵy turǵyndarynan alynǵan taldama nátijeleri boiynsha olardyń virýs juqtyrǵany anyqtaldy. Olardyń barlyǵy Shymkentke Nur-Sultan baǵytyndaǵy 076 poiyzben kelgen Jetisailyq azamatshamen bailanysta bolǵan naýqastardyń jaqyn týystary. Al, besinshi naýqas 1990 jyly týǵan Jetisai aýdanynyń turǵyny» delingen habarlamada.
Aita keteiik, óńirde qazir 33 adamnan koronavirýstyń belgileri tabylǵan. Jetisaida - 12, Kentaý-5, Ordabasy-1, Sairam-2, Maqtaaral-4, Arys-6, Saryaǵash-1 turǵyny indetke shaldyqqan.
