Balalar men jasóspirimderdi rýhani damýǵa, adamgershilikke baýli otyryp tárbie berýdiń mańyzdylyǵy Túrkistan oblysy ákimi janyndaǵy áielder isteri jáne otbasylyq-demografiialyq saiasat jónindegi komissiia otyrysynda talqylandy, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
«Balalar jylyn» oblys kóleminde joǵary deńgeide ótkizý maqsatynda «TURAN-BALAFEST» on kúndik festivali ótkizilip, oǵan oblys kóleminde 820 159 bala (balabaqsha jasyndaǵy – 271 000, mektep jasyndaǵy – 510 968, kolledjden – 37 991) qatysqan.
Festival aiasynda «Shertpe kúidiń sheberi», «Balalar jáne teatr», «Jas aqyndar aitysy», «Shabandoz bala» jaiaý kókpary, «Turan arlandary» qazaq kúresi saiysy, oblys ákiminiń kýbogi úshin uldar jáne qyz balalar arasyndaǵy bylǵary dop týrniri, «Intelektýaldy ult» mektep oqýshylary men kolledj stýdentteri arasyndaǵy shahmat týrniri, «Armrestling», «Salaýatty Turan balalary» áleýmettik jobasy, «Meniń aýlam» áleýmettik jobasy, «Jasyl saqshy» jáne «Turan skaýttary» jańa jobalary bastaý aldy. Atalǵan jobalar 2022-2023 jańa oqý jylynan bastap oblystaǵy barlyq bilim berý mekemelerinde naqty iske asyrylatyn bolady. Túrkistan oblysynda «Balalar jyly» osyndai aýqymdy jobalarmen órnektelip otyr.
«TURAN-BALAFEST» festivaliniń qorytyndysy jyl saiyn 16-jeltoqsan – Táýelsizdik kúni qarsanynda qorytyndylanyp, úzdik oqýshylar marapattalady. Sonymen qatar oblys boiynsha 919 ata-analar komiteti jumys atqarady. Oblystyń bilim berý uiymdarynda otbasylyq tárbieni nyǵaitý, rýhani-adamgershilik tárbieni damytýǵa tikelei yqpal etetin ata-analarmen belsendi, qarqyndy jumystar júrgizilýde. 2022-2023 jańa oqý jylynan bastap ata-analar jinalystary jańa formatta uiymdastyrylatyn bolady. Jańa format – bala tárbiesin ata-analarmen birge júrgizýge úlken múmkindik beredi.
Oblystaǵy barlyq bilim berý mekemelerinde óńirlik analar, ákeler, aqsaqaldar keńesteri qurylyp, otbasy qundylyqtaryn damytý, otbasylyq ómirge keshendi tárbieleý, ulttyq tárbie berý jumystary júrgizilýde. Bilim berý uiymdarynda 900 ardagerler, 900 ákeler, 809 tálimgerler keńesi jumys isteidi. «Ákeler mektebi» 761 jalpy orta mektepte qurylǵan.
Túrkistan oblysynyń adami áleýetti damytý basqarmasy Qazaqstan Respýblikasy Mádeniet jáne sport ministrliginiń tapsyrmasyna sáikes, «Oqýshynyń mádeni normativi» respýblikalyq mádeni-bilim berý jobasyn iske asyrýda. Pilottyq jobaǵa Báidibek jáne Túlkibas aýdandarynan 30 myńnan astam oqýshy tartylǵan. Joba aiasynda oqýshylar «Media mádeniettiń» álemdik mádeniet jaýharlarymen: baǵyty boiynsha miýziklderimen, kinokórsetilimderimen, kontsertterimen, kórnekti oryndaýshylarymen, murajailarymen, sýret galereiasymen tanysty.
Sondai-aq «Ulaǵatty urpaq» respýblikalyq mádeni bilim berý jobasy iske asyrylýda. Oblystaǵy orta bilim berý mekemelerinde oqýshylarǵa rýhani-adamgershilik tárbie berý baǵytyndaǵy jumystar jańa formatta júzege asyrylyp, oblysta engizilgen jańa jobalarǵa barlyq mektep oqýshylary men kolledj stýdentteri tartylatyn bolady.
