Túrkistan oblysynda ájethanaǵa qulap ketken bala qutqaryldy, dep habarlaidy QazAqparat.
Oqiǵa Túrkistan oblysy, Ordabasy aýdany, Temirlan eldi mekeninde boldy. Jeke turǵyn úidiń aýlasyndaǵy 4 metr tereńdiktegi ájethanaǵa 6 jasar bala qulap ketken.
«112» qyzmetine habarlama túsisimen oqiǵa ornyna Tótenshe jaǵdailar departamentiniń 5 qutqarýshysy men jedel járdem qyzmetiniń 3 qyzmetkeri bardy. Qutqarýshylar arqannyń kómegi arqyly balany alyp shyqty. Aýrýhanada tekserýden ótkennen keiin jetkinshek úiine jiberildi. «Qazir balanyń jaǵdaiy bir qalypty», - dedi Tótenshe jaǵdailar departamentinen.
