kollaj: Tengrinews.kz
QMA Túrkistan oblysy boiynsha departamenti jasandy alkogol ónimderin shyǵaratyn tsehtardy áshkereledi, - dep habarlaidy "Ult aqparat" Qarjy monitoringi agenttigine silteme jasap.
"Jedel-tergeý is-sharalary barysynda bir top azamat Túrkistan oblysy jáne Shymkent qalasynda ornalasqan qoima úi-jailarynda jasandy alkogol ónimin óndirý boiynsha 3 jasyryn tseh jumystaryn uiymdastyryp, zańsyz ónimdi Túrkistan oblysy aýmaǵynda ornalasqan saýda oryndaryna satqan.
Tsehtarda júrgizilgen tintý kezinde 5,5 myń dana esepke alý-baqylaý markalary, 5 tonnadan asa quramynda spirti bar suiyqtyq, 6,5 myń bótelke araq, 24 myńnan asa zattańba anyqtalyp, tárkilendi", - delingen habarlamada.
QMA málimetinshe, derekter boiynsha sotaldy tergeý amaldary júrgizilip jatyr. QR Qylmystyq-protsestik kodeksiniń 201-babyna sáikes ózge málimet jariia etilmeidi.
