Túrkistan oblysy, Qazyǵurt aýdanynyń Saraphana aýylynda Alash arystary men Qajymuqanǵa arnalǵan eskertkishter ornatyldy. Eńseli eskertkishter Táýelsizdiktiń 30 jyldyǵyna arnaldy, dep habarlaidy QazAqparat.
«Máńgilik el» kesheninde oryn tepken eskertkishter ult úshin ómirin kúreske ainaldyrǵan kóshbasshylar men qairatkerlerdi beineleidi. Saltanatty is-sharaǵa elimizdiń túkpir-túkpirinen ziialy qaýym ókilderi, qoǵam qairatkerleri, tarihshylar men qalamgerler qatysty. Atap aitsaq, Mámbet Qoigeldi, Qýanysh Aitahanov, Saýytbek Ábdirahmanov, Narmahan Begalyuly jáne ózge de tulǵalar sóz sóilep, rýhani mańyzdy bastamany joǵary baǵalady. Metsenat Beket Turǵaraev pen jergilikti ákimdiktiń úilesimdi isine rizashylyqtaryn bildirdi. Qazyǵurt aýdanynyń ákimi Arman Abdýllaev pen tanymal azamattar da júrekjardy lebizderin ortaǵa salyp, Alash qairatkerleri Máńgilik elmen birge máńgi jasaitynyn aitty.
Sonymen birge osy kúni «Anaǵa taǵzym» jáne Qajymuqan balýanǵa arnalǵan eskertkishterdiń de ashylý saltanaty ótti. Dańqty balýannyń 150 jyldyǵyna arnalǵan eskertkishke jáne ananyń meiirimi sýrettelgen óner týyndysyna qonaqtar oń baǵasyn berdi. Bul igi bastamaǵa belgili metsenat Beket Turǵaraev qoldaý kórsetken bolatyn.
