تٷركٸستان وبلىسى, قازىعۇرت اۋدانىنىڭ ساراپحانا اۋىلىندا الاش ارىستارى مەن قاجىمۇقانعا ارنالعان ەسكەرتكٸشتەر ورناتىلدى. ەڭسەلٸ ەسكەرتكٸشتەر تەۋەلسٸزدٸكتٸڭ 30 جىلدىعىنا ارنالدى, دەپ حابارلايدى قازاقپارات.
«مەڭگٸلٸك ەل» كەشەنٸندە ورىن تەپكەن ەسكەرتكٸشتەر ۇلت ٷشٸن ٶمٸرٸن كٷرەسكە اينالدىرعان كٶشباسشىلار مەن قايراتكەرلەردٸ بەينەلەيدٸ. سالتاناتتى ٸس-شاراعا ەلٸمٸزدٸڭ تٷكپٸر-تٷكپٸرٸنەن زييالى قاۋىم ٶكٸلدەرٸ, قوعام قايراتكەرلەرٸ, تاريحشىلار مەن قالامگەرلەر قاتىستى. اتاپ ايتساق, مەمبەت قويگەلدٸ, قۋانىش ايتاحانوۆ, ساۋىتبەك ەبدٸراحمانوۆ, نارماحان بەگالىۇلى جەنە ٶزگە دە تۇلعالار سٶز سٶيلەپ, رۋحاني ماڭىزدى باستامانى جوعارى باعالادى. مەتسەنات بەكەت تۇرعاراەۆ پەن جەرگٸلٸكتٸ ەكٸمدٸكتٸڭ ٷيلەسٸمدٸ ٸسٸنە ريزاشىلىقتارىن بٸلدٸردٸ. قازىعۇرت اۋدانىنىڭ ەكٸمٸ ارمان ابدۋللاەۆ پەن تانىمال ازاماتتار دا جٷرەكجاردى لەبٸزدەرٸن ورتاعا سالىپ, الاش قايراتكەرلەرٸ مەڭگٸلٸك ەلمەن بٸرگە مەڭگٸ جاسايتىنىن ايتتى.
سونىمەن بٸرگە وسى كٷنٸ «اناعا تاعزىم» جەنە قاجىمۇقان بالۋانعا ارنالعان ەسكەرتكٸشتەردٸڭ دە اشىلۋ سالتاناتى ٶتتٸ. داڭقتى بالۋاننىڭ 150 جىلدىعىنا ارنالعان ەسكەرتكٸشكە جەنە انانىڭ مەيٸرٸمٸ سۋرەتتەلگەن ٶنەر تۋىندىسىنا قوناقتار وڭ باعاسىن بەردٸ. بۇل يگٸ باستاماعا بەلگٸلٸ مەتسەنات بەكەت تۇرعاراەۆ قولداۋ كٶرسەتكەن بولاتىن.
