Túrkistan oblysynda sońǵy aqparatqa sáikes, koronavirýs indetin juqtyrǵan taǵy 2 adam tirkeldi. Jalpy sany óńirde 25 adamda koronavirýs indeti rastaldy, dep habarlaidy "Ult aqparat" coronavirus2020.kz saityna silteme jasap.
Sait taratqan málimetterge qaraǵanda, 2015 jylǵy sábi Arys qalasy, Naýryz aýylynyń turǵyny, virýsty anasynan juqtyrǵan. Anasy Nur-Sultan-Shymkent baǵytynda poezben kelgen áielmen jaqyn bailanysta bolǵan.
1984 jylǵy Jetisai qalasynyń turǵynynan virýs skrining jasaý barysynda anyqtalǵan.
Naýqastardyń jaǵdaiy qanaǵattanarlyq, shaǵymy joq. Virýs juqtyrǵandar qazirgi ýaqytta oqshaýlanyp, em qabyldaýda.
Qazirgi tańdaatalǵan azamattarmen bailanysta bolǵandardy anyqtap, oqshaýlaý jumystary júrgizilýde.
Jetisai aýdanynda - 13, Kentaý qalasynda - 2, Arys qalasy - 2, Ordabasy - 1, Saryaǵash - 1, Maqtaaral - 4, Sairam aýdanynda – 2 adamnan virýs anyqtaldy.
