Túrkistan oblysynda jyl basynan beri 465 reseilik avtokólik aiypturaqqa qoiylǵan, dep habarlaidy oblystyq QazAqparat PD baspasóz qyzmetine silteme jasap.
Otyrar aýdanynda politsiia qyzmetkerlerimen birge jyl basynan beri 515 Resei Federatsiiasynan ákelingen avtokólik júrgizýshilerine ákimshilik hattama toltyrylyp, onyń 465-i aiypturaqqa qoiylǵan. Osyǵan bailanysty otyrarlyq politseiler turǵyndar arasynda túsindirme jumystaryn júrgizdi.
Atap aitar bolsaq, Reseiden ákilgen avtokólikterdiń qujattaryn rásimdeý Qazaqstan Respýblikasynyń zańnamasyna sáikes avtokólik tirkelgen mekenjaiǵa baryp, tehnikalyq baiqaýdan ótýi mindetti ekenin túsindirdi.
Al elektrondy túrde mindetti tehnikalyq baiqaýdan ótken avtokólik paidalanýǵa jaramsyz bolyp tabylady. Osy tusta tártip saqshylary atalǵan jaittar oryn alǵan jaǵdaida ÁQBtK-niń 590-baby, iaǵni «Kólik quraldaryn paidalaný qaǵidalaryn buzý» boiynsha ákimshilik shara kóriletinin eskertedi. Sondyqtan ózińizdiń Reseilik avtokóligińiz bolsa, qujattarynyń zańdy bolýyna kóz jetkizińiz.
