Biyl álemdik pandemiiaǵa bailanysty ekinshi jyl qatarynan qashyqtan oqý, onlain oqytý bolǵandyqtan mektepterge jóndeý jumystaryn jasap, jańa mektepterdiń qurylysyn júrgizý qarqyndy túrde júrip jatqany belgili. Osy oraida Túrkistan oblysy Adami áleýetti damytý basqarmasynyń basshysy Raqymbek Jolaev oblystaǵy bilim berý sapasy men salynyp jatqan mektepterdiń qurylysy týraly aitty, - dep habarlaidy «Ult aqparat».
Vedomstvo basshysynyń aitýynsha, biyl Túrkistan oblysynda 51 mekteptiń qurylysy júrgizilip, osy jyldyń sońyna deiin 44 mektep paidalanýǵa beriledi dep josparlanǵan. Sonymen qatar, atalǵan óńirdegi 900 mekteptiń 173-i yńǵailastyrylǵan ǵimarattar. Aldaǵy ýaqytta olardy jańartý kózdelip otyr.
«2025 jylǵa deiin transfertter esebinen memlekettik - 107 mekteptiń, memlekettik-jekemenshik áriptestik aiasynda - 15 mekteptiń, jekemenshik - 27 mekteptiń qurylysyn salý josparlanýda. Óitkeni osy jyly basqarma tarapynan úsh aýysymǵa ótý qaýpi bar mektepterge taldaý júrgizilip, aýdan-qalalarda ornalasqan 52 mektep anyqtalyp otyr. Qazirgi tańda 6 apatty jáne 4 úsh aýysymdy mektep bar. Biyl sol 2 apatty jáne 2 úsh aýysymdy mekteptiń qurylysy bastalyp, aǵymdaǵy jyly paidalanýǵa beriledi», - dedi basqarma basshysy.
Belgili bolǵanyndai, 2021-2023 jyldar aralyǵynda qalǵan 4 apatty jáne 2 úsh aýysymdy mekteptiń qurylys jumystary tolyǵymen aiaqtalatyn bolady.
Sonymen qatar, aýylda turatyn oqýshylarǵa arnalǵan eki kezeńnen turatyn «Myń bala» ulttyq olimpiadasy uiymdastyrylatynyn aitty.
«Olimpiadiaǵa oqýshylardy tirkeý 24 aqpan-24 naýryz aralyǵynda jalǵasady. Jarys jeńimpazdary elimizdiń daryndy balalarǵa arnalǵan jetekshi mektepterinde «Bilim-Innovatsiia» litseilerinde, Respýblikalyq fizika-matematika mektebinde jáne «Daryn» mamandandyrylǵan mektebinde oqýǵa múmkindik alady. Olimpiadanyń 5 myń finalisi Elbasy Akademiiasynyń «Virge oqý» onlain-mektebinde tegin oqi alady. Olimpiadaǵa Qazaqstannyń aýyldyq mektepterinde sońǵy eki oqý jylynda bilim alyp jatqan 5 jáne 6-synyp oqýshylary qatysady», - dedi Raqymbek Qýatbekuly.
Belgili bolǵanyndai, alǵashqy kezeńde logikalyq jáne keńistiktik oilaýdy baǵalaý men onlain formatta testileý ótkiziledi. Óńirler boiynsha eń joǵary qorytyndy ball jinaǵan 5 myń oqýshy olimpiadanyń ekinshi kezeńine joldama alady. Ekinshi kezeńde qatysýshylar matematikalyq saýattylyq, akademiialyq bilimdi baǵalaý úshin kompiýterlik testileýden ótedi. Ekinshi kezeń óńirlik testileý ortalyqtary bazasynda uiymdastyrylady. Bul olimpiadaǵa oblys boiynsha 61 myń bala qatysady dep kútilip otyr.
Esterińizge sala keteiik, Túrkistan oblysy Adami áleýetti damytý basqarmasynyń basshysy Raqymbek Jolaev oblystaǵy bilim berý sapasy men salynyp jatqan mektepterdiń qurylysy týraly aitqan bolatyn. Basqarma basshysynyń aitýynsha, biyl Túrkistan oblysynda 51 mekteptiń qurylysy júrgizilip, osy jyldyń sońyna deiin 44 mektep paidalanýǵa beriledi dep josparlanǵan. Sonymen qatar, atalǵan óńirdegi 900 mekteptiń 173-i yńǵailastyrylǵan ǵimarattar. Aldaǵy ýaqytta olardy jańartý kózdelip otyr.
