Áleýmettik tólemderdi, aýyl sharýashylyǵy salasyndaǵy memlekettik sýbsidiialardy jáne ózge de biýdjet qarajatyn jymqyrýǵa qarsy is-qimyl maqsatynda Qarjylyq monitoring agenttigi «Qazyna» jedel-izdestirý is-sharalaryn júrgizýde, dep habarlaidy QazAqparat QR QMA baspasóz qyzmetine silteme jasap.
Agenttiktiń Túrkistan oblysy boiynsha aýmaqtyq departamentiniń qyzmetkerleri «Qazyna» jedel aldyn alý sharasy aiasynda «Sybaǵa» memlekettik baǵdarlamasy boiynsha bólingen qarajatty jymqyrý dereginiń jolyn kesti.
Atap aitqanda, E.Kúzenbaev pen R.Paishanov «Balabogen-7» JShS atynan «Agrarlyq nesie korporatsiiasy» AQ-nan asyl tuqymdy mal satyp alýǵa 380 million teńge nesie qarajatyn alǵan. Korporatsiiaǵa bul qarajatty Resei Federatsiiasynan IQM satyp alýǵa «Merkit» JShQ shotyna aýdarý týraly jalǵan qujattar usynyldy.
Budan ári, nesie shartynyń bir bóligin jabý úshin Túrkistan oblysy ákimdiginiń aýyl sharýashylyǵy basqarmasynan 131 million teńgeden astam somaǵa memlekettik sýbsidiialar alyndy.
Bul rette, 585 bas IQM naqty satyp alynǵan joq, janýarlardy esepke alý derekqoryna jalǵan málimetter engizildi.
Nátijesinde 250 million teńge jymqyrylǵan jáne maqsatqa sai paidalanylmaǵan.
R. Paishanov 6 jylǵa, E. Kúzenbaev 5 jylǵa bas bostandyǵynan aiyryldy.
