Túrkistan oblysynda 12 700 adamǵa «Covid-19» indetine qarsy ekpeniń 1-komponenti egildi. Búginde onyń 6 173-i vaktsinatsiianyń ekinshi kezeńinen de ótip úlgergen. Olardyń qatarynda meditsina jáne politsiia qyzmetkerleri men muǵalimder bar, dep habarlaidy "Ult aqparat" óńir basshysynyń baspasóz qyzmetine silteme jasap.
Bul týraly búgin Óńirlik kommýnikatsiialar qyzmetinde ótken brifingte Qoǵamdyq densaýlyq basqarmasynyń basshysy Marat Pashimov málimdedi.
Ol óńirdegi sońǵy táýlikte 8 adamnan koronavirýs indeti anyqtalǵanyn aita kele, halyqty indetke qarsy ekpe saldyrýǵa shaqyrdy.
«Oblys aýmaǵynda «Covid-19» indetiniń táýliktik ósimi 0,17 paiyz bolyp otyr. Jalpy pandemiia bastalǵaly atalǵan infektsiiany juqtyrǵan 4 493 jaǵdai tirkeldi. Osy tusta «Halyq densaýlyǵy jáne densaýlyq saqtaý júiesi týraly» kodekstiń 77-babyna sáikes, vaktsina salý tek adamnyń kelisimimen ǵana júzege asatynyn aitqym keledi. Vaktsinadan bas tartqandar ákimshilik ne qylmystyq jaýapkershilikke tartylmaidy. Dei turǵanmen, azamattarǵa karantindik talaptardy saqtaǵannan bólek, juqpaly aýrýǵa qarsy vaktsina saldyrýdy usynar edim. Bul álemdik tájiribe ekenin barshańyz bilesizder. Eger osy tásildi el bolyp qoldasaq, jaman aýrýdy jeńý de ońai bolatyny sózsiz», – dedi M.Orynbasaruly.
Sondai-aq, basqarma basshysy qazirgi tańda óńirde aýrýmen kúresýdiń barlyq sharalary qolǵa alynǵanyn aitty. Jalpy aimaqta 23 429 meditsina qyzmetkeri bolsa, onyń 5000-nan astamy dárigerler, qalǵandary orta býyn mamandary. Vaktsina saqtaityn qoimada kólemi 601 litr bolatyn 2 muzdatqysh bar. Sonymen qatar, oblystyq biýdjet esebinen kólemi 143 litrlik 20 muzdatqysh alynǵan. Vaktsinatsiia júrgizýge arnalǵan 65 pýnkt tolyq tońazytqyshpen jabdyqtalǵan. Budan bólek, vaktsinany tasymaldaityn kólemi 50 litrlik 38 termokonteinermen qamtamasyz etilgen.
Óz kezeginde Sanitariialyq-epidemiologiialyq baqylaý departamenti basshysynyń orynbasary Baqtyoraz Elemesov oblys aýmaǵynda karantin rejiminiń talaptaryn saqtamai toi jiyndar men túrli sharalardy ótkizý toqtamai otyrǵanyn jetkizdi. Jyl basynan beri arnaiy mobildi toptardyń monitoring jumystary kezinde oblysta karantin talaptaryna baǵynbai jumys istegen mekemelerge 1 583 hattama toltyrylǵan. Nátijesinde 89 158 105 teńge aiyppul salynǵan.
