تٷركٸستان وبلىسىندا 12 700 ادامعا «Covid-19» ٸندەتٸنە قارسى ەكپەنٸڭ 1-كومپونەنتٸ ەگٸلدٸ. بٷگٸندە ونىڭ 6 173-ٸ ۆاكتسيناتسييانىڭ ەكٸنشٸ كەزەڭٸنەن دە ٶتٸپ ٷلگەرگەن. ولاردىڭ قاتارىندا مەديتسينا جەنە پوليتسييا قىزمەتكەرلەرٸ مەن مۇعالٸمدەر بار, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
بۇل تۋرالى بٷگٸن ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە قوعامدىق دەنساۋلىق باسقارماسىنىڭ باسشىسى مارات پاشيموۆ مەلٸمدەدٸ.
ول ٶڭٸردەگٸ سوڭعى تەۋلٸكتە 8 ادامنان كوروناۆيرۋس ٸندەتٸ انىقتالعانىن ايتا كەلە, حالىقتى ٸندەتكە قارسى ەكپە سالدىرۋعا شاقىردى.
«وبلىس اۋماعىندا «Covid-19» ٸندەتٸنٸڭ تەۋلٸكتٸك ٶسٸمٸ 0,17 پايىز بولىپ وتىر. جالپى پاندەمييا باستالعالى اتالعان ينفەكتسييانى جۇقتىرعان 4 493 جاعداي تٸركەلدٸ. وسى تۇستا «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكستٸڭ 77-بابىنا سەيكەس, ۆاكتسينا سالۋ تەك ادامنىڭ كەلٸسٸمٸمەن عانا جٷزەگە اساتىنىن ايتقىم كەلەدٸ. ۆاكتسينادان باس تارتقاندار ەكٸمشٸلٸك نە قىلمىستىق جاۋاپكەرشٸلٸككە تارتىلمايدى. دەي تۇرعانمەن, ازاماتتارعا كارانتيندٸك تالاپتاردى ساقتاعاننان بٶلەك, جۇقپالى اۋرۋعا قارسى ۆاكتسينا سالدىرۋدى ۇسىنار ەدٸم. بۇل ەلەمدٸك تەجٸريبە ەكەنٸن بارشاڭىز بٸلەسٸزدەر. ەگەر وسى تەسٸلدٸ ەل بولىپ قولداساق, جامان اۋرۋدى جەڭۋ دە وڭاي بولاتىنى سٶزسٸز», – دەدٸ م.ورىنباسارۇلى.
سونداي-اق, باسقارما باسشىسى قازٸرگٸ تاڭدا ٶڭٸردە اۋرۋمەن كٷرەسۋدٸڭ بارلىق شارالارى قولعا الىنعانىن ايتتى. جالپى ايماقتا 23 429 مەديتسينا قىزمەتكەرٸ بولسا, ونىڭ 5000-نان استامى دەرٸگەرلەر, قالعاندارى ورتا بۋىن ماماندارى. ۆاكتسينا ساقتايتىن قويمادا كٶلەمٸ 601 ليتر بولاتىن 2 مۇزداتقىش بار. سونىمەن قاتار, وبلىستىق بيۋدجەت ەسەبٸنەن كٶلەمٸ 143 ليترلٸك 20 مۇزداتقىش الىنعان. ۆاكتسيناتسييا جٷرگٸزۋگە ارنالعان 65 پۋنكت تولىق توڭازىتقىشپەن جابدىقتالعان. بۇدان بٶلەك, ۆاكتسينانى تاسىمالدايتىن كٶلەمٸ 50 ليترلٸك 38 تەرموكونتەينەرمەن قامتاماسىز ەتٸلگەن.
ٶز كەزەگٸندە سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى باقتىوراز ەلەمەسوۆ وبلىس اۋماعىندا كارانتين رەجيمٸنٸڭ تالاپتارىن ساقتاماي توي جيىندار مەن تٷرلٸ شارالاردى ٶتكٸزۋ توقتاماي وتىرعانىن جەتكٸزدٸ. جىل باسىنان بەرٸ ارنايى موبيلدٸ توپتاردىڭ مونيتورينگ جۇمىستارى كەزٸندە وبلىستا كارانتين تالاپتارىنا باعىنباي جۇمىس ٸستەگەن مەكەمەلەرگە 1 583 حاتتاما تولتىرىلعان. نەتيجەسٸندە 89 158 105 تەڭگە ايىپپۇل سالىنعان.
