Túrkistan oblysynda jylyjaidan 1,5 tonna qiiar urlaǵandar ustaldy, dep habarlaidy "Ult aqparat" Túrkistan oblystyq politsiia departamentiniń baspasóz qyzmetine silteme jasap.
Departamenttiń baspasóz qyzmeti taratqan aqparattarǵa qaraǵanda, Túrkistan oblysynyń Ordabasy aýdandyq ishki ister bólimine jergilikti turǵyn kelip, jylyjaiynda ósip turǵan qiiarlary urlanǵanan aitqan.
Qrlanǵan qiiardyń salmaǵy 1500 kelini qurap, jábirlenýshige 1 million 500 myń teńge shyǵyn kelgen. Atalǵan jaitty politsiia qyzmetkerleri QR QK-niń 188-baby «Urlyq» boiynsha sotqa deiingi tergeýdiń biryńǵai tizilimine tirkedi.
Bolǵan oqiǵa boiynsha jedel tergeý toby qurylyp, qylmystyq isti ashý maqsatynda birden iske kiristi. Politsiia urlyq bolǵan aimaqty bir sholyp shyǵyp, ainaladaǵy beinebaqylaý kameralaryn muqiiat qarap, kúdikti bolyp kóringen azamattardan túsinik aldy. Nátijesinde osy jaitqa qatysy bar Ózbekstan Respýblikasynyń azamaty ustalyp, bólimshege jetkizildi.
Tergeý barysynda kúdikti jas azamattyń qiiar ósiretin jylyjaiynda jumys isteitini belgili boldy. Sondai-aq politseiler kúdikti azamattyń qylmysqa qatysy bar 4 sybailasy baryn anyqtady. Olar da ózge eldiń azamattary. Kúdiktiler salmaǵy 1 jarym tonna bolatyn qiiardy jeke-jeke qapqa salyp satpaq bolǵan. Alaida olar aram oilaryn aqyryna deiin jetkize almady. Qazirgi tańda 4 sybailasqa qatysty izdestirý amaldary júrip jatyr. Ustalǵan kúdikti azamat qamaýǵa alyndy. Búgingi tańda kúdiktige qatysty sotqa deiingi tergeý amaldary jalǵasýda.
