تٷركٸستان وبلىسىندا جىلىجايدان 1,5 توننا قييار ۇرلاعاندار ۇستالدى, دەپ حابارلايدى "ۇلت اقپارات" تٷركٸستان وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
دەپارتامەنتتٸڭ باسپاسٶز قىزمەتٸ تاراتقان اقپاراتتارعا قاراعاندا, تٷركٸستان وبلىسىنىڭ ورداباسى اۋداندىق ٸشكٸ ٸستەر بٶلٸمٸنە جەرگٸلٸكتٸ تۇرعىن كەلٸپ, جىلىجايىندا ٶسٸپ تۇرعان قييارلارى ۇرلانعانان ايتقان.
قرلانعان قيياردىڭ سالماعى 1500 كەلٸنٸ قۇراپ, جەبٸرلەنۋشٸگە 1 ميلليون 500 مىڭ تەڭگە شىعىن كەلگەن. اتالعان جايتتى پوليتسييا قىزمەتكەرلەرٸ قر قك-نٸڭ 188-بابى «ۇرلىق» بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەدٸ.
بولعان وقيعا بويىنشا جەدەل تەرگەۋ توبى قۇرىلىپ, قىلمىستىق ٸستٸ اشۋ ماقساتىندا بٸردەن ٸسكە كٸرٸستٸ. پوليتسييا ۇرلىق بولعان ايماقتى بٸر شولىپ شىعىپ, اينالاداعى بەينەباقىلاۋ كامەرالارىن مۇقييات قاراپ, كٷدٸكتٸ بولىپ كٶرٸنگەن ازاماتتاردان تٷسٸنٸك الدى. نەتيجەسٸندە وسى جايتقا قاتىسى بار ٶزبەكستان رەسپۋبليكاسىنىڭ ازاماتى ۇستالىپ, بٶلٸمشەگە جەتكٸزٸلدٸ.
تەرگەۋ بارىسىندا كٷدٸكتٸ جاس ازاماتتىڭ قييار ٶسٸرەتٸن جىلىجايىندا جۇمىس ٸستەيتٸنٸ بەلگٸلٸ بولدى. سونداي-اق پوليتسەيلەر كٷدٸكتٸ ازاماتتىڭ قىلمىسقا قاتىسى بار 4 سىبايلاسى بارىن انىقتادى. ولار دا ٶزگە ەلدٸڭ ازاماتتارى. كٷدٸكتٸلەر سالماعى 1 جارىم توننا بولاتىن قيياردى جەكە-جەكە قاپقا سالىپ ساتپاق بولعان. الايدا ولار ارام ويلارىن اقىرىنا دەيٸن جەتكٸزە المادى. قازٸرگٸ تاڭدا 4 سىبايلاسقا قاتىستى ٸزدەستٸرۋ امالدارى جٷرٸپ جاتىر. ۇستالعان كٷدٸكتٸ ازامات قاماۋعا الىندى. بٷگٸنگٸ تاڭدا كٷدٸكتٸگە قاتىستى سوتقا دەيٸنگٸ تەرگەۋ امالدارى جالعاسۋدا.
