Naýryz aiynan bastap respýblikadaǵy jasyl aimaqta turǵan barlyq óńirlerde juma namazyna oqýǵa ruqsat etildi, dep habarlaidy "Ult aqparat".
Sondyqtan, Túrkistan oblysynyń aýmaǵyndaǵy meshitterde 5-naýryzdan bastap jamaǵatpen juma namazy oqyla bastaidy.
Oblystyń bas imamy Erkebulan Qaraqulovtyń aitýynsha, jamaǵatpen qulshylyq rásimin jasaý úshin meshitter 30 paiyz ǵana toltyrylady.
«Meditsinalyq maska taǵý, dini joralǵy kezinde sapqa turǵanda araqashyqtyqty saqtaý talap etiledi. Jalpy, óńirdegi barlyq 750 meshitte zalalsyzdandyrý jumysynyń júrgizilýi qadaǵalanady. Ýaǵyz oqylmai, tek paryz namazy ǵana oryndalady. Dárethanalar karantin talaptaryp saqtai otyryp ashylady. Jurtshylyqty karantin sheginen shyqpai, talapty oryndaýǵa shaqyramyz», - dedi Erkebulan Ybraiymuly.
Sondai-aq, din ókilderi janaza jáne jerleý rásimine qatysýshylar sanyn 50 adamnan asyrmaý qajettigin jetkizdi.
Al, indet órshigen jaǵdaida juma namazyn oqý toqtatylady.
