ناۋرىز ايىنان باستاپ رەسپۋبليكاداعى جاسىل ايماقتا تۇرعان بارلىق ٶڭٸرلەردە جۇما نامازىنا وقۋعا رۇقسات ەتٸلدٸ, دەپ حابارلايدى "ۇلت اقپارات".
سوندىقتان, تٷركٸستان وبلىسىنىڭ اۋماعىنداعى مەشٸتتەردە 5-ناۋرىزدان باستاپ جاماعاتپەن جۇما نامازى وقىلا باستايدى.
وبلىستىڭ باس يمامى ەركەبۇلان قاراقۇلوۆتىڭ ايتۋىنشا, جاماعاتپەن قۇلشىلىق رەسٸمٸن جاساۋ ٷشٸن مەشٸتتەر 30 پايىز عانا تولتىرىلادى.
«مەديتسينالىق ماسكا تاعۋ, دٸني جورالعى كەزٸندە ساپقا تۇرعاندا اراقاشىقتىقتى ساقتاۋ تالاپ ەتٸلەدٸ. جالپى, ٶڭٸردەگٸ بارلىق 750 مەشٸتتە زالالسىزداندىرۋ جۇمىسىنىڭ جٷرگٸزٸلۋٸ قاداعالانادى. ۋاعىز وقىلماي, تەك پارىز نامازى عانا ورىندالادى. دەرەتحانالار كارانتين تالاپتارىپ ساقتاي وتىرىپ اشىلادى. جۇرتشىلىقتى كارانتين شەگٸنەن شىقپاي, تالاپتى ورىنداۋعا شاقىرامىز», - دەدٸ ەركەبۇلان ىبرايىمۇلى.
سونداي-اق, دٸن ٶكٸلدەرٸ جانازا جەنە جەرلەۋ رەسٸمٸنە قاتىسۋشىلار سانىن 50 ادامنان اسىرماۋ قاجەتتٸگٸن جەتكٸزدٸ.
ال, ٸندەت ٶرشٸگەن جاعدايدا جۇما نامازىن وقۋ توقتاتىلادى.
