28 otbasy – 100 jýyq adam. Qujatsyz, perspektivasyz. Olar sý astynda qalǵan aýyldarda bos ǵimarattarǵa ornalastyryldy. El Premer-Ministri óz saparlarynyń birinde bul máseleni sheshýdi tapsyrdy. Asqar Mamin osy azamattarǵa jańa shaǵyn aýdanda úiler salýdy tapsyrdy. Bul týraly QR Prezidenti janyndaǵy Ortalyq kommýnikatsiialar qyzmetinde ótken kóshpeli baspasóz máslihatynda óńir basshysy Ómirzaq Shókeev málim etti.
Ol osy jyldyń mamyr aiynda Ózbekstannyń Syrdariia oblysyndaǵy Sardoba sý qoimasyndaǵy bógettiń buzylýy nátijesinde Maqtaaral aýdanynyń 5 aýyly sý astynda qalǵanyn eske saldy. Tótenshe jaǵdai saldarynan myńǵa jýyq turǵyn úi, mektepter, balabaqshalar, densaýlyq saqtaý mekemeleri, avtomobil joldary jáne 6000 gektarǵa jýyq jaiylym men aýyl sharýashylyǵy maqsatyndaǵy jerler sý astynda qaldy.
«Birinshi kezekte Elbasy tarapynan qoldaý kórsetildi. Esińizde bolsa, sol kúnderi ol Qaýipsizdik keńesin jinap, tiisti tapsyrma berdi, qadaǵalap otyrdy. Memleket basshysynyń, Úkimettiń qoldaýy boldy. Oqiǵa saldaryn eńserýge barlyq oblystar, qoǵamdyq uiymdar qatysty. Osyndai erekshe qamqorlyq úshin barsha maqtaaraldyqtardyń atynan shynaiy alǵys aitamyn, kóptegen máseleler sheshildi, ekinshi jaǵynan - bul oqiǵalar, eń aldymen, bizdiń birligimizdiń kúshin, memleketimizdiń múmkindikterin kórsetti, Arys qalasynda birneshe aidyń ishinde 7634 nysan tolyq qalpyna keltirildi nemese salyndy dep týrasyn aitý kerek. Menińshe, bul tarihtaǵy erekshe jaǵdai. Maktaaralda myńdaǵan úi sý astynda qaldy, olar 2-3 aidyń ishinde qalpyna keltirildi. Tipti jańa shaǵyn aýdan boi kóterdi», - dep atap ótti aimaq basshysy.
Resmi derekterge sáikes, búgingi tańda Myrzakent aýylynyń jańa shaǵyn aýdanynda Jeńis, Jańaturmys, Dostyq kentteriniń zardap shekken turǵyndaryna arnalǵan 386 jeke úidiń qurylysy aiaqtaldy. Sondai-aq Firdoýsi jáne Órgebas eldi mekenderinde 504 turǵyn úidiń 494-iniń qurylysy aiaqtaldy, jaqyn arada 10 úi paidalanýǵa beriledi. Sonymen qatar, Myrzakentte 1200 oryndyq mektep, 280 oryndyq balabaqsha, 1 dárigerlik ambýlatoriia jáne 1 politsiia tirek pýnktiniń qurylysy júrgizilýde. Sonymen qatar, Firdoýsi aýylynda 600 oryndyq mektep jóndeldi, al Órgebas aýylynda feldsherlik-akýsherlik jáne politsiianyń tirek pýnktteri salynýda.
