Túrkistan oblysy ákimi Ómirzaq Shókeevtiń oblys ortalyǵynda ótken azamattardy jeke qabyldaýy boiynsha berilgen tapsyrmalary júzege asyp jatyr.
31-naýryz kúni ótken oblys ákiminiń jeke qabyldaýda bolǵan eki túrkistandyq otbasy araǵa 4 ai salyp baspanaly boldy. Onyń biri – talai jyldan beri turǵyn úi taýqymetin tartqan keiýana. Úige ie bolǵan ekinshi turǵyn da óńir basshysyna óz ótinishin aitqan bolatyn. Oblys ákimi turǵyndardyń ótinishi nazarǵa alynǵanyn aityp, jaýaptylarǵa demeýshiler arqyly kómektesýdi tapsyrdy. Nátijesinde Túrkistan qalasynda qurylys júrgizýshi merdiger kompaniia basshylarynyń kómegimen áleýmettik qoldaýǵa muqtaj jandardyń kópten kútken armandary oryndalyp, qonys toiyn toilady. Ár otbasynyń úii – úsh bólmeli. Baspanalar qajetti jihaz ben turmystyq tehnikalarmen jabdyqtalǵan.
Oblys basshysynyń qabyldaýynda bolǵan turǵyndar ákimge ózderin tolǵandyryp júrgen suraqtaryn qoiyp, olardyń zań aiasynda sheshý joldaryn birge tabýǵa múmkindik aldy. Túrkistandyq turǵynnyń múmkińdigi shekteýli balalarǵa arnalǵan «Korrektsialyq ortalyǵyn» ashý týraly usynysy boiynsha múmkindigi shekteýli jáne zeinet jasyndaǵy azamattarǵa áleýmettik súiemeldeý qyzmetterdi kórsetetin ortalyǵy quryldy. Onda áleýmettik-turmystyq ortaǵa beiimdelýine baǵyttalǵan múgedektigi bar adamdardyń laiyqty eńbekke, jumyspen qamtýǵa jáne ekonomikalyq táýelsizdik quqyǵyn asyrýǵa keshendi qyzmet kórsetiledi. Qazirgi tańda mekeme ǵimaratyn qajetti qural-jabdyqtarmen qamtý jumystary júrgizilýde. Sanaýly kúnde mekeme ózine tiisti barlyq salalar boiynsha tolyq jumys isteitin bolady. Ortalyqta eńbek terapiiasy, ánmen emdeý, psihotreningter, áleýmetti máseleler boiynsha zańdy keńes jáne súiemeldeý, demalys uiymdastyrý sharalary boiynsha tarihi-mádeni oryndarǵa ekskýrsiia men teatr, kontsertke barý jáne merekelik mádeni is- sharalar uiymdastyrylady.
Sondai-aq túrkistandyq bir top turǵynnyń ótinishi boiynsha qoǵamdyq kólik máselesi sheshildi. Jeke sektordaǵy eskirgen júieler jańartylyp, jaryqtandyryldy. Oblys ákimi Ómirzaq Shókeevtiń tapsyrmasymen birneshe azamatqa demeýshiler esebinen qarjylai kómek kórsetildi. Jumysqa ornalasty. Taǵy birine turǵyn úilerin qujattandyrýǵa kómek berildi.
«Halyq únimen qulaq asatyn memleket» tujyrymdamasy: halyq pen bilik tandemi. Osy baǵytta Túrkistan oblysy ákimi Ómirzaq Shókeev azamattardyń barlyq ótinishter men usynystaryn muqiiat tyńdap shyǵyp, zańnama aiasynda túsinik berip, jekelegen saýaldar boiynsha tiisti mekeme basshylary men Túrkistan qalasynyń ákimine naqty tapsyrmalar berdi. Búginde óńirde Memleket basshysynyń «Halyq únimen qulaq asatyn memleket» tujyrymdamasyn iske asyrýda birqatar jumystar júzege asyrylýda. Halyqpen tyǵyz qarym-qatynas ornatýdyń túrli ettikteri iske qosylýda.
Túrkistan oblysynda halyqpen qarym-qatynasty jaqsartatyn, kópshilikti tolǵandyryp júrgen máselelerdi pikir talqysyna salatyn mańyzdy dialog alańdarynyń biri – «Parasat» pikirtalas klýby. Halyqpen tyǵyz jumys isteý maqsatynda qolǵa alynǵan, sansyz saýalǵa jaýap alatyn alań oblys ákimi Ómirzaq Shókeevtiń qoldaýymen barlyq aýdan, qalalarda ashyldy. Biregei joba Túrkistan oblysy boiynsha Sybailas jemqorlyqqa qarsy qyzmet departamenti jáne ákimdikterdiń bastamasymen Memleket basshysynyń «Halyq únine qulaq asatyn memleket» tujyrymdamasy men «Adaldyq alańy» ulttyq jobasy aiasynda júzege asty. Turǵyndar ózekti máselelerdi «Parasat» minberinde kóterip, basshylarmen tikelei pikirlese alady. Jańa jobanyń júzege asýy bilik pen halyqtyń arasyndaǵy araqashyqtyqty azaityp, azamattardyń bilik institýtyna degen senimin arttyrýyn qamtamasyz etedi. Jergilikti jerdegi ózekti máseleni ortaǵa salýshy turǵyndar baǵa turaqsyzdyǵy men qymbatshylyqty aýyzdyqtaýdy, sapaly aýyz sý, tabiǵi gaz men elektr jaryǵymen qamtý, jer máselesi, áleýmettik az qamtylǵan otbasylardy qoldaý sharalary týraly, álimjettik, jemqorlyqqa qarsy kúres baǵytyndaǵy ózekti máselelerdi turaqty talqylap, el usynysyna sai bilik tarapynan jumys atqarylyp keledi.
